ال ەڭ از مولشەردەگى زەينەتاقى – 33 858 تەڭگە.
بجزق قازاقستان حالقىنىڭ زەينەتاقى جيناعى 19 ترلن تەڭگەگە جاقىنداعانىن مالىمدەدى، دەپ حابارلايدى Almaty-akshamy.kz
بجزق اقپاراتى
2024 جىلعى 1 مامىرداعى جاعداي بويىنشا بجزق-دا سالىمشىلاردىڭ (الۋشىلاردىڭ) جەكە جانە شارتتى شوتتارىندا شامامەن 19 ترلن تەڭگە جيناقتالعان. ءبىر جىل ىشىندە زەينەتاقى جيناقتارى 3،3 ترلن اسا تەڭگەگە (نەمەسە 21،1%) ءوستى. جىل باسىنان بەرى 4 ايدىڭ ىشىندە ولاردىڭ ءوسىمى شامامەن 1،12 ترلن تەڭگە (6،2%) بولدى.
– مىندەتتى زەينەتاقى جارنالارى (مزج) ەسەبىنەن قالىپتاستىرىلعان زەينەتاقى جيناقتارى 2024 جىلعى 1 مامىرعا 18،3 ترلن تەڭگەدەن اسىپ، ءبىر جىلدا 20،6% ۇلعايدى. مىندەتتى كاسىپتىك زەينەتاقى جارنالارى (مكزج) ەسەبىنەن زەينەتاقى جيناقتارىنىڭ سوماسى شامامەن 599 ملرد تەڭگە (ءبىر جىلداعى ءوسىم - 22،8%). ءبىر جىلداعى ەڭ ۇلكەن ءوسىمدى (45،7%) ەرىكتى زەينەتاقى جارنالارى (ەزج) بويىنشا جيناقتار كورسەتتى. ولاردىڭ كولەمى شامامەن 6 ملرد تەڭگە، – دەپ حابارلايدى قوردان.
جيناقتار مولشەرىنىڭ ءوسىمى زەينەتاقى جارنالارى مەن ينۆەستيسيالىق كىرىس تۇرىندەگى كىرىس اعىندارى ەسەبىنەن مۇمكىن بولدى. 2024 جىلدىڭ 4 ايىندا سالىمشىلاردىڭ شوتتارىنا تۇسكەن زەينەتاقى جارنالارىنىڭ كولەمى - 856،4 ملرد تەڭگە (وتكەن جىلدىڭ كورسەتكىشىمەن سالىستىرعاندا 29،1% نەمەسە شامامەن 193 ملرد تەڭگەگە وسكەن).
ينۆەستيسيالىق كىرىس
2024 جىلعى 1 قاڭتاردان باستاپ سالىمشىلاردىڭ (الۋشىلاردىڭ) زەينەتاقى شوتتارىنا قوسىمشا قاراجات – جۇمىس بەرۋشىنىڭ مىندەتتى زەينەتاقى جارنالارى (جمزج) تۇسۋدە. 2024 جىلدىڭ 4 ايىندا جمزج ەسەبىنەن زەينەتاقى جيناقتارىنىڭ سوماسى 57،9 ملرد تەڭگەدەن استى.
بجزق سالىمشىلارىنىڭ جەكە جانە شارتتى زەينەتاقى شوتتارىنا ەسەپتەلگەن تازا ينۆەستيسيالىق كىرىس جىل باسىنان بەرى 01.05.2024 ج. - 517،6 ملرد. تەڭگە.
بجزق-دان تولەمدەر مەن ساقتاندىرۋ ۇيىمدارىنا اۋدارىمدار تۇرىندەگى شىعىس اعىندارى 2024 جىلدىڭ 4 ايىندا شامامەن 285،5 ملرد تەڭگە بولدى. بۇل رەتتە وسى كولەمنىڭ 41،7%، ياعني 119 ملرد تەڭگەسى - تۇرعىن ءۇي جاعدايلارىن جاقسارتۋعا جانە ەمدەلۋگە ارنالعان ءبىرجولعى زەينەتاقى تولەمدەرى (بزت). زەينەت جاسىنا تولۋعا بايلانىستى تولەمدەر شامامەن 67،8 ملرد تەڭگە، بۇل وتكەن جىلعى كورسەتكىشتەن 19،2 ملرد تەڭگەگە (39،5%) كوپ. سونداي-اق، مۇراگەرلىك بويىنشا تولەمدەر – 18،5 ملرد تەڭگە، ق ر شەگىنەن تىس تۇراقتى تۇرۋعا كەتۋگە بايلانىستى تولەمدەر – 11،4 ملرد تەڭگە، مۇگەدەكتىگى بار ادامدارعا تولەمدەر – 1 ملرد تەڭگەدەن استام، جەرلەۋگە تولەمدەر - 3،3 ملرد تەڭگە جۇزەگە اسىرىلدى. ساقتاندىرۋ ۇيىمدارىنا 64،3 ملرد تەڭگەدەن استام سوما اۋدارىلدى.
ەڭ باي زەينەتكەر
اتاپ كەتەيىك، بجزق-دان كەستە بويىنشا ورتاشا ايلىق تولەم سوماسى (زەينەت جاسىنا تولۋعا بايلانىستى) 33 858 تەڭگە، ال اي سايىنعى تولەمنىڭ ەڭ جوعارى سوماسى - 945 752 تەڭگە. بىلتىر بجزق-دان كەستە بويىنشا اي سايىنعى تولەمنىڭ ورتاشا سوماسى 32 090 تەڭگە، ال اي سايىنعى تولەمنىڭ ەڭ جوعارى سوماسى 742 692 تەڭگە بولعان.