قاۋلى قول قويىلعان كۇنىنەن باستاپ كۇشىنە ەنەدى.
ق ر باس مەملەكەتتىك سانيتارلىق دارىگەرى ايجان ەسماعامبەتوۆا "اۋا-تامشى جولىمەن بەرىلەتىن جۇقپالى اۋرۋلاردىڭ تارالۋىنىڭ الدىن الۋ بويىنشا پروفيلاكتيكالىق شارالاردى كۇشەيتۋ تۋرالى" 2024 جىلعى 8 اقپانداعى قاۋلىسىنىڭ كۇشىن جويدى، دەپ حابارلايدى Almaty-akshamy.kz
قۇجاتتا تۇماۋدىڭ جانە باسقا دا ءجىتى رەسپيراتورلىق ۆيرۋستىق ينفەكسيالاردىڭ ەپيدەميالىق ماۋسىمىنىڭ اياقتالۋىنا بايلانىستى قاۋلىنىڭ كۇشى جويىلعانى كورسەتىلگەن.
"اۋا-تامشى جولىمەن بەرىلەتىن جۇقپالى اۋرۋلاردىڭ تارالۋىنىڭ الدىن الۋ جونىندەگى پروفيلاكتيكالىق شارالاردى كۇشەيتۋ تۋرالى" قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ 2024 جىلعى 8 اقپانداعى №2 قاۋلىسىنىڭ كۇشى جويىلسىن"، دەلىنگەن 24 ساۋىردەگى قاۋلى ماتىنىندە.
قاۋلى قول قويىلعان كۇنىنەن باستاپ كۇشىنە ەنەدى.
9 اقپاندا قۇجاتتا مىنا جاعدايلار قامتىلعانى حابارلاندى:
مەديسينالىق ۇيىمداردا مەكەمە قىزمەتكەرلەرى مەن مەكەمەگە كەلۋشىلەردىڭ مەديسينالىق بەتپەردەنى تاعۋى، انتيسەپتيكتەردىڭ بولۋى؛
Covid-19 كوروناۆيرۋس ينفەكسياسىنىڭ، تۇماۋدىڭ جانە جرۆي-دىڭ الدىن الۋ شارالارى تۋرالى حالىق اراسىندا ءاقپاراتتىق-تۇسىندىرۋ جۇمىستارىن جۇرگىزۋ.
سونداي-اق، حالىق كوپ جينالاتىن ورىنداردا مەديسينالىق نەمەسە شۇبەرەك بەتپەردەلەردى قولدانۋ ۇسىنىلدى.