ەندى ادەتتەگىدەي 2 ەمەس، ءبىر عانا GOST فايلىنان تۇرادى.
ول اۋتەنتيفيكاسيا ءۇشىن دە، قول قويۋ ءۇشىن دە جارامدى، دەپ حابارلايدى Almaty-akshamy.kz
قازاقستاندا ەلەكتروندى سيفرلىق قولتاڭبا بەرۋ تارتىبىنە قاتىستى قۇجاتقا ەنگىزىلەتىن وزگەرىستەر 30 ساۋىردەن باستاپ كۇشىنە ەنەدى. سوعان سايكەس، قازاقستان ق ر ست گوست ر 34.10-2015 كريپتوگرافيالىق ستاندارتىنا كوشەدى.
جاڭا ستاندارت اياسىندا قازاقستاندىقتار 30 ساۋىردەن باستاپ ەلەكتروندى سيفرلىق قولتاڭبا العاندا جۇيەگە كىرۋگە ارنالعان AUTH RSA جانە قول قويۋعا مۇمكىندىك بەرەتىن RSA فايلدارىنىڭ ورنىنا ءبىر عانا GOST فايلى ۇسىنىلادى. بۇل فايل اتالعان ەكى قىزمەتتى دە جۇزەگە اسىرۋعا مۇمكىندىك بەرەدى.
بۇل رەتتە بۇعان دەيىن الىنعان قوس فايلدى ەلەكتروندى سيفرلىق قولتاڭبانى اۋىستىرۋدىڭ قاجەتى جوق ەكەنىن ەسكە سالامىز. ولار بەلگىلەنگەن ۋاقىتى اياقتالعانعا دەيىن جارامدى بولادى.
"بۇگىنگى كۇنى ۇلتتىق كۋالاندىرۋ ورتالىعى اشىق جانە جابىق كىلتتەرىن تۋىنداتۋ RSA جانە مەمست 34.310-2004 الگوريتمدەرىندە جۇرگىزىلەدى. بۇل رەتتە اقپاراتتىق تەحنولوگيالار مەن كريپتوگرافيالىق تالداۋ ادىستەرى ۇزدىكسىز دامۋدا، وسىعان بايلانىستى ق ر ۇكو مەمست 2015 جاڭا مەملەكەتارالىق كريپتوگرافيالىق ستاندارتىنا كوشۋدى جۇزەگە اسىرۋدى جوسپارلاپ وتىر. بارلىق بۇرىن شىعارىلعان تىركەۋ كۋالىكتەرى ولاردىڭ قولدانىلۋ مەرزىمى اياقتالعانعا دەيىن ساقتالاتىن بولادى"، – دەلىنگەن ۇلتتىق كۋالاندىرۋ ورتالىعىنىڭ حابارلاماسىندا.
سونداي-اق، جاڭا مەمست 2015 الگوريتمىن قولداۋ جاڭارتىلعان NCALayer ارقىلى قامتاماسىز ەتىلەدى. جاڭا نۇسقا شىققاننان كەيىن، قولدانبا اۆتوماتتى تۇردە پايدالانۋشىعا NCALayer جاڭارتۋدى ۇسىنادى.