مادەنيەتتە شەكارا جوق
قازاقستاندا بەلارۋس مادەني كۇندەرى ءوتتى، دەپ حابارلايدى Almaty-akshamy.kz.
شارا اياسىندا ەلوردادا بەلارۋس كينوسىنىڭ كورسەتىلىمى بولدى. شارا شىمىلدىعىن «ديۆەرسانتتىڭ تاعدىرى» اتتى فيلم اشتى. جالپى، قازاقستاندىق كورەرمەن اتالمىش ەلدىڭ 13 كينوتۋىندىسىن تاماشالادى. ىزگىلىك پەن دوستىققا ۇندەيتىن كارتينالار كاسىبي تۇرعىدا شەبەر تۇسىرىلگەن، - دەيدى ۇيىمداستىرۋشىلار.
بەلارۋس ەلىنىڭ مادەنيەت كۇندەرى داستۇرگە اينالدى.
«ءبىز ءىس-شارالارىمىزدى بەلارۋس كينوسىنان باستادىق. ءۇش كۇن بويى كوركەم جانە انيماسيالىق فيلمدەر ۇسىنىلدى. ونىڭ ىشىندە ۇلى وتان سوعىسى، پارتيزانداردىڭ ەرلىگىنە، سوعىستان كەيىنگى قيراعان ەلدىڭ ەكونوميكاسىن كوتەرۋگە قاتىستى تۋىندىلار بار.بۇل تاڭداۋدى دۇرىس باعالاپ، قازاقستاندىق كورەرمەن بەلارۋس ەلىنىڭ مادەنيەتىمەن جاقىن تانىسا الدى دەپ ويلايمىن»، - دەدى قازاقستانداعى بەلارۋس ەلشىسى پاۆەل ۋتيۋپين.