Qazvac حالال ستاندارتىنا ساي بولىپ تانىلدى
كوروناۆيرۋسقا قارسى وتاندىق پرەپاراتقا قازاقستان مۇسىلماندارى ءدىني باسقارماسىنىڭ «حالال دامۋ» سەرتيفيكاتى بەرىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى حابارلادى. ءتيىستى قۇجاتتى باس ءمۇفتيدىڭ ورىنباسارى ەرشات وڭعاروۆ تابىستاعان ەكەن. ەندى قازاقستاندىق ۆاكسينا حالال دارىلىك زاتتار مەن بيولوگيالىق بەلسەندى قوسپالاردى وندىرۋگە، ساقتاۋعا، تاسىمالداۋعا جانە ساتۋعا قويىلاتىن جالپى تالاپتار بويىنشا جاسالدى دەپ تانىلدى.