بۇل تۋرالى ۇلتتىق ستاتيستيكا بيۋروسى ءمالىم ەتتى.
بيۋرو دەرەگىنشە، 2023 جىلعى 1 قاڭتارداعى جاعداي بويىنشا، قازاقستاندا 722 بازار تىركەلگەن، بۇل ءبىر جىل بۇرىنعى كورسەتكىشتەن 16 بىرلىككە از. ونىڭ ىشىندە 495 ساۋدا بازارى (133 مىڭ ساۋدا ورنى) قالالىق جەردە، 227 – اۋىلدىق جەردە (39 مىڭ ساۋدا ورنى) ورنالاسقان، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
بازارلاردىڭ ەڭ كوپ سانى تۇركىستان وبلىسىندا – 115 بىرلىك، وعان قوسا الماتى (58) جانە اقتوبە (57) وبلىستارىندا.
وڭىرلىك بولىنىستە ساۋدا ورىندارىنىڭ ەڭ كوپ سانى الماتى قالاسىندا – 24 مىڭ ورىن (41 بازار).
«335 بازار زاڭدى تۇلعالارعا تيەسىلى بولسا، قالعان 387ء-سى جەكە كاسىپكەرلەردىڭ اتىنا تىركەلگەن. ەلدەگى بازارلاردىڭ جالپى اۋدانى 7،7 ملن شارشى مەتر قۇرايدى»، – دەلىنگەن حابارلامادا.