25 ساۋىردە وتكەن ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين وقۋ-اعارتۋ مينيسترلىگى مەكتەپ وقۋلىقتارىن پلانشەتتەرگە اۋىستىرۋ ۇسىنىسىنان باس تارتقانىن ايتتى، دەپ حابارلايدى Almaty-akshamy.kz
«بىزگە ۇسىنىس جاساۋ تاپسىرىلعاندىقتان، ءبىز ونى تۇجىرىمداپ، وقۋلىقتىڭ ورنىنا پلانشەت قولدانۋدى ۇسىندىق. ءبىراق سالالىق ۆەدومستۆو – وقۋ-اعارتۋ مينيسترلىگى بۇل ماسەلەمەن اينالىسىپ، ءقازىر يننوۆاسيانى ەنگىزۋدىڭ باسقا ءادىسىن ۇسىنىپ وتىر. ولاردىڭ ءادىسى باسقا، پىكىرى بولەك. ءبىز ولاردىڭ پىكىرىنە سۇيەنەمىز»، - دەدى مينيستر.
بۇل رەتتە باعدات مۋسين وقۋ-اعارتۋ مينيسترلىگى قانداي ءادىس ۇسىنىپ وتىرعانىن قوسا ايتتى.
«سىنىپتاردا ينتەراكتيۆتى پانەلدەردى قولدانۋ جوسپارلانىپ وتىر»، - دەپ تۇيىندەدى ۆەدومستۆو باسشىسى.