بۇرىن ءىستى بولعان اۋەزوۆ اۋدانىنىڭ تۇرعىنى قالتا ۇرلىعىن جاسادى دەگەن كۇدىكپەن ۇستالدى.
قالالىق كريمينالدىق پوليسيانىڭ ارنايى توبىنىڭ جانە جەتىسۋ اۋداندىق پوليسيا باسقارماسىنىڭ قىزمەتكەرلەرىمەن 29 جاستاعى ف. ەسىمدى ازامات ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەر ادام 104-باعىتتاعى قوعامدىق كولىكتىڭ جولاۋشىسىنىڭ قالتاسىنان IPhone ماركالى تەلەفونىن ۇرلادى دەگەن كۇدىككە ءىلىندى.
كۇدىكتى قاماۋعا الىندى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. سونىمەن قاتار پوليسيا قىزمەتكەرلەرى ازاماتتىڭ قالا اۋماعىندا باسقا دا ىقتيمال قىلمىستاردى جاساۋعا قاتىسى بار-جوعىن انىقتاپ جاتىر. ءموبيلدى قۇرىلعى تاركىلەندى.
ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.