2025 جىلدىڭ بەس ايىندا قازاقستاندا 23،8 مىڭ توننا بالمۇزداق پەن تاعامدىق مۇز ءوندىرىلدى، دەپ حابارلايدى aqshamnews.kz ۇلتتىق ستاتيستيكا بيۋروسىنىڭ تەلەگرامداعى رەسمي كانالىنا سىلتەمە جاساپ.
بۇل وتكەن جىلدىڭ سايكەس كەزەڭىمەن سالىستىرعاندا (2024 جىلعى قاڭتار-مامىر - 20،3 مىڭ توننا) 17،1% ارتىق.
"سونداي-اق 2025 جىلدىڭ ءتورت ايىندا ەلىمىزگە 3 مىڭ توننا بالمۇزداق يمپورتتالدى، سىرتتان اكەلىنگەن ءونىمنىڭ نارىقتاعى ۇلەس سالماعى - 15،4%"، - دەپ جازىلعان حابارلامادا.
بالمۇزداق اكەلىنەتىن ەلدەردىڭ العاشقى ۇشتىگىنە
رەسەي (1،5 مىڭ توننا)،
قىرعىزستان (1 مىڭ)،
تۇركيا (0،3 مىڭ) كىرىپ وتىر.
سونىمەن قاتار بالمۇزداق وزبەكستان، شۆەيساريا، بەلارۋس جانە يتاليا ەلدەرىنەن اكەلىنگەن.
اتالعان ءتورت ايدا بالمۇزداق ەكسپورتى 41،6% ءوسىپ، 4،3 مىڭ توننانى قۇرادى. ءونىم نەگىزىنەن تمد ەلدەرى مەن قىتايعا جىبەرىلگەن.