ق ر مادەنيەت جانە اقپارات مينيسترلىگى باسپا ءسوز قىزمەتىنىڭ حابارلاۋىنشا، بيىلعى فەستيۆالدىڭ "التىن كامەليا" اتتى نەگىزگى بايقاۋ باعدارلاماسىنا قازاقستاندىق "نابات وپەراسياسى" مەن "اعايىندىلار" ءفيلمى جۇڭگو كورەرمەنىنە كورسەتىلەدى، دەپ حابارلايدى aqshamnews.kz
"نابات وپەراسياسى" (رەجيسسەر راشيد سۇلەيمەنوۆ) – قازاقستان قۇقىق قورعاۋ ورگاندارى جۇرگىزگەن ءىرى ارنايى وپەراسيا تۋرالى شىنايى وقيعاعا نەگىزدەلگەن دراما. فيلم "قازاقفيلم" كينوستۋدياسىندا ق ر مادەنيەت جانە اقپارات مينيسترلىگى، قازاقستاننىڭ ۇلتتىق كينو ورتالىعىنىڭ قولداۋىمەن تۇسىرىلگەن.
"اعايىندىلار" (رەجيسسەر دارحان تولەگەنوۆ) – 15-تەن استام حالىقارالىق جۇلدەگە يە بولعان فيلم. كارتينا گەرمانيادا وتكەن Oldenburg حالىقارالىق كينوفەستيۆالىندە Spirit of Cinema ماراپاتىن العان. ءفيلمدى Golden Man Media ستۋدياسى ق ر مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرگەن.
فەستيۆالدىڭ قازىلار القاسىنا شىۇ ەلدەرىنەن 9 بەلگىلى كينەماتوگراف ەنگەن. ولاردىڭ ىشىندە قازاقستاندىق پروديۋسەر تاسبولات مەرەكەنوۆ تە بار. قازىلار القاسىنىڭ ءتوراعاسى – قىتايدىڭ تانىمال پروديۋسەرى ءارى سەناريستى جەن چجۋنلۋن.
جەڭىمپازدار 10 نوميناسيا بويىنشا انىقتالادى. اتاپ ايتساق، "ۇزدىك فيلم"، "ۇزدىك رەجيسسەر"، "ۇزدىك سەناريي" جانە اكتەرلىك شەبەرلىك نوميناسيالارى بار.
كينوفەستيۆال اياسىندا 11 نەگىزگى ءىس-شارا جوسپارلانعان، ولاردىڭ قاتارىندا بايقاۋ فيلمدەرىنىڭ كورسەتىلىمدەرى، ىنتىماقتاستىققا ارنالعان فورۋمدار، كينوتەحنولوگيا كورمەسى مەن گالا-كونسەرت بار.