ءال-فارابي اتىنداعى قازۇۋ-دا تۇلەكتەر سانىنىڭ كوپ بولۋىنا وراي ديپلومداردى تاپسىرۋ شىلدەنىڭ 1-نەن 12-نە دەيىنگى كەزەڭگە جوسپارلانعان. بيىل ۋنيۆەرسيتەتتى 7080 ستۋدەنت ءبىتىردى. ولاردىڭ 5410-ى باكالاۆر، 1163ء-ى ماگيستر، 507ء-سى دوكتورانت دارەجەسىن الدى. 1404 تۇلەك ۇزدىك ديپلوم يەگەرى اتاندى.
ءىس-شارالارعا تۇلەكتەرمەن بىرگە اتا-انالار، كىشكەنتاي بالالارىمەن تۋىستارى، سونداي-اق دوستارى جانە موبيلوگرافتار مەن فوتوگرافتار قاتىسۋدا.
سالتاناتتى ءراسىم كۇن سايىن اۋماعى 5000 شارشى مەتردى قۇرايتىن Farabi Hub ورتالىعىندا وتۋدە. ورتالىقتا LED-ەكران، ەكى باننەر، دىبىس اپپاراتۋراسى، ءسوز سويلەۋگە ارنالعان تريبۋنا، ەكى فوتوايماق، سونداي-اق تۇلەكتەردىڭ اتا-انالارى مەن تۋىستارىنىڭ وتىرۋىنا ارنالعان 800 ورىن قويىلعان.
ءراسىم وتكىزۋ ءۇشىن ديپلومداردى تاپسىرۋدىڭ ءبىرىڭعاي سەنارييى مەن رەگلامەنتى بەكىتىلدى.
Farabi Hub ورتالىعىندا كونديسيونەرلەر، سالقىنداتقىش جەلدەتكىشتەر، بۋفەت جانە مەديسينالىق بەكەت جۇمىس ىستەيدى. سىرتقى اۋماق باننەرمەن بەزەندىرىلىپ، ورىندىقتار ورناتىلعان.
كامپۋس اۋماعىندا قازۇۋ قالاشىعىنىڭ كارتالارى جانە Farabi Hub ورتالىعىنىڭ ورنالاسقان جەرىن كورسەتەتىن سىلتەمەلەر ىلىنگەن. اتاپ ايتقاندا، كارتالار قازۇۋ اركاسى، اۆتوتۇراق، ءال-فارابي ەسكەرتكىشى، سزپۋ فيليالىنىڭ عيماراتى، ءال-فارابي كىتاپحاناسى اللەياسى جانە ساعات مۇناراسىنىڭ جانىندا ورنالاسقان.
سونداي-اق ۋنيۆەرسيتەت اكىمشىلىگى ارنايى ەكى اۆتوبۋس ءبولدى. قوناقتاردىڭ ىڭعايلىلىعى ءۇشىن تيميريازيەۆ كوشەسىنەن Farabi Hub ورتالىعىنا دەيىن – تۇلەكتەرگە، ولاردىڭ اتا-انالارى مەن تۋىستارىنا تاسىمالداۋ ۇيىمداستىرىلدى.
بارلىق كەلۋشىگە ۋنيۆەرسيتەتتىڭ اۋماعىنا كىرۋگە رۇقسات بەرىلدى، اۆتوتۇراقتان ارنايى ورىن ءبولىندى.