وتاندىق وندىرۋشىلەر سۇرانىستىڭ تەك 4،2%-ىن عانا قاناعاتتاندىرعان، ياعني، بۇكىل نارىق يمپورتقا تاۋەلدى.
ءبىر جىل ىشىندە بالالار اياق كيىمى 14،2%-عا، ايەلدەر اياق كيىمى 8،8%-عا، ەرلەر اياق كيىمى 7،9%-عا قىمباتتادى، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
ءبىر جىلدا قازاقستاندا اياق كيىم 10%-عا قىمباتتاعان. 2022 جىلدىڭ قاڭتار-مامىر ايلارىندا قازاقستاندا 546 مىڭ جۇپ اياق كيىم شىعارىلعان. بۇل بىلتىرعى كورسەتكىشتەن 13،3% از. وڭىرلەر اراسىندا بۇل كورسەتكىش بويىنشا الماتى قالاسى الدا تۇر - 253،3 مىڭ جۇپ اياق كيىم وندىرىلگەن. ودان كەيىن جامبىل (73،4 مىڭ جۇپ) جانە الماتى (57،9 مىڭ جۇپ) وبلىستارى تۇر.
«وتاندىق وندىرۋشىلەر 2022 جىلدىڭ ءبىرىنشى توقسانىندا حالىق سۇرانىسىنىڭ تەك 4،2%-ىن عانا قاناعاتتاندىرعان. ياعني، بۇكىل نارىق يمپورتقا تاۋەلدى دەۋگە بولادى. قاڭتار-ناۋرىز ارالىعىندا ەلگە سىرتتان 6،9 ملن جۇپ اقكيىم اكەلىنگەن. ءبىر قۋانتارلىعى، بۇل كورسەتكىش 2021 جىلعىدان 2،6 ەسە از»، - دەپ جازىلعان سايتتا شىققان اقپاراتتا.
2022 جىلدىڭ مامىر ايىنداعى قورىتىندى بويىنشا، اياق كيىم باعاسى 9،7% وسكەن. كەيىنگى 4 جىلدا ءبىرىنشى رەت وسىنداي قىمباتشىلىق بايقالىپ وتىر. وڭىرلەردەگى قىمباتتاۋ دەڭگەيى ءار ءتۇرلى. قوستاناي وبلىسىندا 4،9% بولسا، ماڭعىستاۋ وبلىسىندا 19،5% وسكەن. ءبىر جىل ىشىندە بارىنەن بۇرىن بالالار اياق كيىمى 14،2%-عا، ايەلدەر اياق كيىمى 8،8%-عا، ەرلەر اياق كيىمى 7،9%-عا قىمباتتادى.