ەلىمىزدە ازاماتتىق قورعاۋ ورگاندارىنىڭ قۇلاقتاندىرۋ جۇيەسى تەكسەرىلەدى
2021 جىلعى 29 ماۋسىمدا ساعات 9.00-دەن 12.00-گە دەيىنگى ارالىقتا ازاماتتىق قورعاۋ ورگاندارىنىڭ قۇلاقتاندىرۋ جۇيەسىن تەكسەرۋ جوسپارلانۋدا، دەپ حابارلادى Almaty-akshamy.kz ق ر تجم سايتىندا جاريالانعان حابارعا سىلتەمە جاساپ.
حالىقتى توتەنشە جاعدايلار تۋرالى قۇلاقتاندىرۋ جانە اقپاراتتاندىرۋ نەگىزگى قاۋىپسىزدىك شاراسى بولىپ تابىلادى. ول تۇرعىنداردى قانداي دا ءبىر اۆاريا نەمەسە تابيعي قۇبىلىستاردىڭ ءارتۇرلى فاكتورلارىنان بولاتىن قيراۋلار سالدارىنان قورعايدى.
قۇلاقتاندىرۋ جۇيەسىن تەكسەرۋ بارىسىندا ەلەكتر دابىلدار مەن دابىلدى سويلەۋ قۇرىلعىلارىن (داۋىس زورايتقىشتار) قىسقا ۋاقىتقا قوسۋ، تەلەديدار ەفيرلەرىن جانە راديو ارنالارىن ۇستاپ قالۋ، اقپاراتتى ينتەرنەت-رەسۋرستار مەن ءموبيلدى قوسمشالارعا ورنالاستىرۋ جوسپارلاندىرۋ.
«بارشانىڭ نازارىنا» دىبىستى سيگنال – بۇل ەسكەرتۋ دابىلى. ول توتەنشە جاعدايلار ءقاۋپى بولعاندا نەمەسە تۋىنداعاندا بارلىق شۇعىل حابارلامالار بەرەر الدىندا حالىقتىڭ نازارىن اۋدارۋ ءۇشىن بەرىلەدى.
دىبىستىق سيگنالدى ەستىگەن سوڭ قالىپتاسقان جاعدايدا الداعى ىس-ارەكەتتەرى بويىنشا نۇسقاۋ الۋ ءۇشىن تەلەديدار مەن راديوقابىلداعىشتى قوسىپ، ينتەرنەت-رەسۋرستار مەن ءموبيلدى قوسىمشاداعى اقپاراتتى وقۋ قاجەت.
سونىمەن قاتار ءقاۋىپتى وندىرىستىك وبەكتىلەر مەن گيدروتەحنيكالىق قۇرىلىسارداعى جەرگىلىكتى قۇلاقتاندىرۋ جۇيەلەرىنىڭ جۇمىسى تەكسەرىلەتىن بولادى.
رەسپۋبليكالىق قۇلاقتاندىرۋ جۇيەسىن تەكسەرۋ قورىتىندىسى بويىنشا ەلىمىزدىڭ حالقىن ۋاقتىلى اقپاراتتاندىرۋ مەن قۇلاقتاندىرۋدى قامتاماسىز ەتۋ بويىنشا ءتيىستى شارالار پىسىقتالاتىن بولادى.
