بۇل ەلدە وسى ناۋقانعا دايىندىق ءجۇرىپ جاتىر
قازاقستانداعى جاعداي ءالى دە تۇراقتالعان جوق. ماسەلەن، الماتى قالاسى «قىزىل» ايماقتان شىعىپ، «سارى» ايماققا ءوتتى، ەل استاناسى مەن ءتورت وبلىس ءالى دە ءقاۋىپتى بەلدەۋدە تۇر، دەپ حابارلايدى Almaty-akshamy.kz
ال كوۆيدتىك الەمنىڭ احۋالى قانداي؟ دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحان گەبرەيەسۋس ادامزاتتىڭ كوروناۆيرۋستى جەڭەتىن بارلىق مۇمكىندىگى بار ەكەنىن مالىمدەدى.
تۇركيادا كوروناۆيرۋستىق ينفەكسيانىڭ تارالۋ قارقىنى تومەندەمەي تۇر. سوڭعى 24 ساعات ىشىندە COVID-19 جۇقتىرۋدىڭ تاعى 24 792 جاعدايى انىقتالدى. وسىلايشا، ەلدە ۆيرۋس جۇقتىرعانداردىڭ جالپى سانى 7 851 805 ادامعا دەيىن ءوستى، مۇنداي دەرەكتەردى ەلدىڭ دەنساۋلىق ساقتاۋ مينيسترلىگى جاريالادى. ال پاندەميا قۇرباندارىنىڭ سانى 69 112 ادامعا دەيىن ءوستى، ولاردىڭ 195ء-ى وتكەن تاۋلىكتە قايتىس بولدى. تۇركيادا covid-19 ۆيرۋسىنا قارسى جاپپاي ۆاكسيناسيا 14 قاڭتاردا باستالدى. سوڭعى دەرەكتەرگە سايكەس بۇگىنگى كۇنى ۆاكسينالاردىڭ 115 040 699 دوزاسى قولدانىلعان.
- قارا كونتينەنتتە covid-19 ينفەكسياسىن جۇقتىرۋدىڭ جالپى سانى 8،5 ميلليونعا جۋىق، - دەپ حابارلايدى افريكا اۋرۋلاردى باقىلاۋ جانە الدىن-الۋ ورتالىعى (Africa CDC). پاندەميا باستالعاننان بەرى كوز جۇمۋ جاعدايلارىنىڭ سانى 216 830 ادامعا جەتتى. ۆيرۋس جۇقتىرعانداردىڭ ەڭ كوپ سانى-وڭتۇستىك افريكا رەسپۋبليكاسى، ماروككو، تۋنيس جانە ەفيوپيا وڭىرلەرىندە. وسىلايشا، ايماقتار بويىنشا وڭتۇستىك افريكا كوش باستاپ تۇر. ەكىنشى جانە ءۇشىنشى ورىنداردى سولتۇستىك افريكا مەن شىعىس افريكا الادى. افريكا CDC دەرەكتەرى بويىنشا كونتينەنتتىڭ ورتالىق بولىگى پاندەميادان از زارداپ شەككەن ايماقتار قاتارىندا.
ەۋروپالىق وداق ەلدەرىنىڭ اراسىندا دانيا كوروناۆيرۋسقا قارسى ۆاكسيناسيانىڭ جوعارى دەڭگەيىن كورسەتۋدە. وسىلايشا ەل پاندەميا رەجيمىنەن شىعىپ، شەكتەۋلەردى الىپ تاستاۋدا. بۇدان بىلاي ەل بيلىگى COVID-19 ۆيرۋسىن رەسمي تۇردە «ءقاۋىپتى اۋرۋ» دەپ سانامايدى دەپ مالىمدەدى. دۇكەندەر روجدەستۆوعا بەتپەردەسىز جانە الەۋمەتتىك قاشىقتىقسىز دايىندالۋدا. كافەلەر مەن مەيرامحانالارعا بارۋ ءۇشىن QR كودتارى مەن ۆاكسيناسيا سەرتيفيكاتى قاجەت ەمەس. ەلدە 12 جاستان اسقان حالىقتىڭ 85% - دان استامى تولىق ەگىلدى. 60 جاس توبىنداعى بارلىق دەرلىك تۇرعىندار ەگىلدى. ايتا كەتۋ كەرەك، ۆاكسيناسيا بويىنشا مۇنداي جوعارى كورسەتكىش نورۆەگيا مەن شۆەسيادا دا دا بار.
يزرايل ۇكىمەتى 5 جاستان 11 جاسقا دەيىنگى بالالارعا كۆي ۆاكسيناسياسىنا دايىندىق ءجۇرىپ جاتقانىن حابارلايدى. دەنساۋلىق ساقتاۋ مينيسترلىگىندە ءتۇسىندىرۋ ناۋقانى بويىنشا دايىندىق جۇرۋدە. تۇپكىلىكتى شەشىم اقش-تىڭ، اتاپ ايتقاندا FDA ساراپتاما كوميسسياسىنىڭ 5 جاستان باستاپ 28 ميلليون امەريكاندىق بالانى يممۋنداۋ ءۇشىن Pfizer ۆاكسيناسىن قولدانۋعا شۇعىل ليسەنزيا بەرۋ تۋرالى شەشىم قابىلداۋىنا قاتىستى بولماق. ەگەر ۆاكسيناسيا اقش-تا ماقۇلدانسا، يزرايل دەنساۋلىق ساقتاۋ مينيسترلىگى دە بۇل ماسەلەدە رۇقسات بەرەتىن بولادى.