بۇل تۋرالى ورتالىق كوممۋنيكاسيا قىزمەتىندە وتكەن بريفينگتە ق ر وقۋ-اعارتۋ مينيسترلىگى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى ەرلان قالماقوۆ مالىمدەدى.
2023 جىلدان باستاپ بارلىق ءبىلىم بەرۋ ۇيىمدارىندا «ادال ازامات» ءبىرتۇتاس تاربيە باعدارلاماسى اياسىندا اتا-انالاردى پەداگوگيكالىق قولداۋ ورتالىقتارى جۇمىس ىستەيدى، - دەپ حابارلايدى Aqshamnews.kz.
بۇل ورتالىقتاردىڭ باستى ماقساتى – مەكتەپ پەن وتباسى اراسىنداعى ديالوگتى كۇشەيتۋ، اتا-انالاردىڭ بالا تاربيەسىنە قاتىسۋىن ارتتىرۋعا ىقپال ەتۋ. وسى ۋاقىت ىشىندە اتا-انالاردىڭ وقۋ-تاربيە پروسەسىنە قاتىسۋ دەڭگەيى ءۇش ەسەگە ارتقان.
ءقازىر اتا-انالار كوميتەتتەرىن ترانسفورماسيالاۋ جۇمىسى ءجۇرىپ جاتىر، ال قاراشا ايىندا «مەكتەپ – اتا-انا – قوعام» ىنتىماقتاستىعىن نىعايتۋدىڭ جاڭا الاڭىنا اينالاتىن العاشقى رەسپۋبليكالىق فورۋم وتەدى.
وسىعان وراي، وقۋ-اعارتۋ مينيسترلىگىمەن ناقتى شارالار جاسالدى. اتا-انالار كوميتەتتەرىنىڭ ءتوراعالارى، سىنىپ جەتەكشىلەرى، ديرەكتورلاردىڭ تاربيە جۇمىسى جونىندەگى ورىنباسارلارى، ى.التىنسارين اتىنداعى ۇلتتىق ءبىلىم اكادەمياسىنىڭ، «وركەن» ۇلتتىق بالالار ءال-اۋقاتى ورتالىعىنىڭ ساراپشىلارى قاتارىنان جۇمىس توبى قۇرىلدى.
ترانسفورماسيا بويىنشا قۇجاتتار توپتاماسى (اتا-انالار كوميتەتتەرىنىڭ جالپى مەكتەپتىك، اۋداندىق جينالىسىن وتكىزۋ سەنارييلەرى، قىزمەتتىڭ ۇلگىلىك قاعيدالارى، جۇمىستىڭ ۇلگىلىك جوسپارى جانە ت.ب.) ازىرلەندى.