اتالعان رەجيم بەس جىلعا ۇزارتىلدى.
وسىلايشا، بۇل رەجيم رەيستەر سانى بويىنشا بارلىق شەكتەۋلەردى الىپ تاستاۋدى جانە قازاقستاندىق اۆياكومپانيالار جۇمىس ىستەمەيتىن باعىتتار بويىنشا شەتەلدىك اۆياكومپانيالارعا «اۋا ەركىندىگىنىڭ» بەسىنشى دارەجەسىن بەرۋدى كوزدەيدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«اشىق اسپان» رەجيمى استانا، الماتى، تاراز، شىمكەنت، اقتاۋ، سەمەي، قاراعاندى، وسكەمەن، پاۆلودار، پەتروپاۆل، كوكشەتاۋ جانە تۇركىستان قالالارىنىڭ 12 حالىقارالىق اۋەجايلارىندا قولدانىلدى. اقتوبە وبلىسىنىڭ اكىمدىگىمەن بىرلەسكەن جۇمىس قورىتىندىسى بويىنشا بۇل رەجيم ءوڭىردى دامىتۋ ماقساتىندا ءاليا مولداعۇلوۆا اتىنداعى اقتوبە قالاسىنىڭ حالىقارالىق اۋەجايىندا دا ەنگىزىلدى.
بۇل رەجيم جاڭا شەتەلدىك تاسىمالداۋشىلاردى تارتۋعا، اۋە تاسىمالداۋشىلاردىڭ باسەكەلەستىگىن دامىتۋعا، حالىقارالىق مارشرۋتتاردى اشۋعا، اۆيابيلەتتەر قۇنىن تومەندەتۋگە، ءتۋريزمدى دامىتۋعا جانە قازاقستان قالالارىنىڭ كولىكتىك قولجەتىمدىلىگىن ارتتىرۋعا ىقپال ەتەدى.