وسى كەزگە دەيىن مۇعالىمدەردىڭ جالاقىسى ەكى ەسەگە كوبەيدى.
1 قاڭتاردان باستاپ بالاباقشا تاربيەشىلەرى، مەكتەپ جانە كوللەدج مۇعالىمدەرىنىڭ جالاقىسى 25%-عا ءوستى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
2020 جىلعى قاڭتاردان باستاپ مۇعالىمدەردىڭ جالاقىسى جىل سايىن 25%-عا كوتەرىلىپ كەلەدى. وسى ۋاقىتقا دەيىن مۇعالىمدەردىڭ جالاقىسى ەكى ەسەگە ارتتى.
«سونىمەن قاتار ولاردىڭ جالاقىسىنا قوسىمشا تولەمدەر بەلگىلەندى. بۇل – بىلىكتىلىك ساناتى، ماگيستر دارەجەسى، پاندەردى اعىلشىن تىلىندە جۇرگىزۋ، داپتەر تەكسەرۋ، سىنىپ جەتەكشىلىگى، جاڭارتىلعان مازمۇنداعى جۇمىس جانە تالىمگەرلىك ءۇشىن قوسىمشا تولەمدەر. پەداگوگ ماماندىعىنا ۋنيۆەرسيتەتتىڭ ۇزدىك تۇلەكتەرى مەن «التىن بەلگى» يەگەرلەرى كەلە باستادى»، - دەدى وقۋ-اعارتۋ ءمينيسترى عاني بەيسەمبايەۆ.