بۇل تۋرالى مادەنيەت جانە سپورت ءمينيسترى اسحات ورالوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«Artsport» باعدارلاماسى جالعاسادى، ءبىراق جاڭا فورماتتا. وتكەن جىلى ەرەجەلەرى قابىلداندى. ءار ءوڭىر «Artsport» بويىنشا ءوز باعدارلاماسىن ازىرلەيدى»، - دەدى اسحات ورالوۆ ۇكىمەت وتىرىسىنان كەيىن تىلشىلەردىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، سپورت سالالارى بويىنشا شەشىلۋى ءتيىس ءبىرقاتار ماسەلە بار.
«مادەنيەت، سپورت جانە تۋريزم سالاسىنا قاتىستى ماسەلەلەردى شەشۋدە بار تاجىريبەم مەن كۇش-جىگەرىمدى سالامىن. اتالعان سالالارعا قاتىستى وزەكتى ماسەلەلەر بارشىلىق. ونىڭ ءمان-جايىن پىسىقتاپ، انىقتاۋ قاجەت. ۇسىنىستار بولسا، تىڭداۋعا دايىنبىز»، - دەيدى ول.