جىل باسىنان بەرى كولىكتەگى پد-دا پويىزداردىڭ شۇعىل تەجەلۋىنىڭ 21 فاكتىسىن انىقتادى.
ونىڭ ىشىندە تەمىرجول توسەمىندە جانۋارلاردىڭ بولۋىنا بايلانىستى – 16، ادامداردىڭ بولۋىنا بايلانىستى – 3، ونىڭ ىشىندە ءبىر ادام العان جاراقاتىنان كوز جۇمدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل تۋرالى دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆ حابارلادى.
«وكىنىشكە قاراي، بارلىق قابىلدانعان ءىس-شارالارعا قاراماستان، جىل سايىن تەمىر جولداردا جانە وعان جاقىن ورنالاسقان اۋماقتاردا ادامدار جاراقات الىپ، ءتىپتى ونىڭ سوڭى قايعىلى جاعدايعا اكەپ سوعىپ جاتادى. ادەتتە، بۇل تەمىرجول كولىگى نىساندارىنداعى قاۋىپسىزدىكتىڭ قاراپايىم ەرەجەلەرىن ەلەپ-ەسكەرمەۋدەن، ياعني ازاماتتاردىڭ ارنايى وتكەلدەردى، كوپىرلەردى پايدالانعىسى كەلمەۋى، ءقاۋىپتى ايماقتا قۇلاققاپ كيىپ ءجۇرۋى، جول قىسقارتامىز دەپ پويىز ۆاگوندارىنىڭ استىنان وتۋىمەن بايلانىستى»، – دەدى م.ايتۋعانوۆ.
5 قاڭتاردا قىزىلوردا وبلىسىنىڭ شورناق – تۇركىستان ارالىعىندا جۇك پويىزىنىڭ ءماشينيسى تەمىرجولدا بەلگىلەنبەگەن جەردەن وتپەكشى بولعان ادامدى قاعىپ كەتكەن. ول اۋرۋحاناعا جەتكىزىلدى، الايدا العان جاراقاتى سالدارىنان قايتىس بولدى. اتالعان فاكت بويىنشا ق ر قىلمىستىق كودەكسىنىڭ 344-بابى 2-بولىگى بويىنشا سوتقا دەيىنگى تەرگەپ-تەكسەرۋ باستالدى.