ەلىمىزدە الىپ بالا دۇنيەگە كەلدى

اناسى نارەستەنى تابيعي جولمەن دۇنيەگە اكەلگەن.

تەمىرتاۋداعى "انا مەن بالا" كوپسالالى ورتالىعىندا سالماعى 5055 گرامم باتىر بالا دۇنيەگە كەلدى، دەپ حابارلايدى Almaty-akshamy.kz تengrinews.kz سايتىنا سىلتەمە جاساپ.

بوسانعان ايەل اۋرۋحاناعا 22 اقپاندا تۇسكەن. سالماعى 5055 گرامم، بويى 57 سانتيمەتر ۇل بالا دۇنيەگە كەلگەن. ايەلدىڭ بۇل ءتورتىنشى بالاسى. قازىرگى ۋاقىتتا اناسى مەن بالاسى دارىگەرلەردىڭ باقىلاۋىنداعى "انا مەن بالا" پالاتاسىندا.  ەكەۋىنىڭ دە جاعدايلارى قالىپتى.

"ۇلكەن سالماقتى بالالاردىڭ تۋىلۋى ءجيى كەزدەسەدى، ياعني بۇل 4000 گرامنان اساتىن بالالار، ولار ۇلكەن بولىپ سانالادى. ال سالماعى 5000 گرامنان اساتىن سابيلەر الىپ بالالار توبىنا جاتادى. 2022 جىلى ۇلكەن سالماقپەن 54 نارەستە، الىپ سالماقتى 10 نارەستە دۇنيەگە كەلدى. ونىڭ ىشىندە ەڭ ۇلكەنى وبلىستىق كلينيكالىق اۋرۋحانانىڭ پەريناتالدىق ورتالىعىندا دۇنيەگە كەلگەن، سالماعى - 6520 گرامم. 2023 جىلدىڭ اعىمداعى كەزەڭىندە ۇلكەن سالماقتى 4 ءسابي دۇنيەگە كەلدى، ونىڭ بىرەۋى تەمىرتاۋ قالاسىنىڭ كوپسالالى انا مەن بالا ورتالىعىندا، - دەلىنگەن حابارلامادا.