قازاقستاندا حالىقارالىق دەڭگەيدەگى پەداگوگ ماماندار دايارلانادى
بۇل تۋرالى ق ر پرەمەر-مينيسترىنىڭ ورىنباسارى ەرالى توعجانوۆ ءمالىم ەتتى، دەپ حابارلايدى Almaty-akshamy.kz
«جاڭا وقۋ جىلىنان باستاپ ەلىمىزدىڭ وقۋ ورىندارى بازاسىندا ماسكەۋ ينجەنەرلىك-فيزيكالىق ينستيتۋتى، گۋبكين اتىنداعى رەسەي مۇناي جانە گاز ينستيتۋتى ستۋدەنتتەر قابىلداپ جاتىر. قازىرگى تاڭدا عىلىم جانە جوعارى ءبىلىم مينيسترىلىگى ميچيگان مەملەكەتتىك ۋنيۆەرسيتەتىمەن بىرگە نۇر-سۇلتان قالاسىندا جەكەمەنشىك ۋنيۆەرسيتەت قۇرۋ جۇمىستارىن جۇرگىزۋدە. اتالعان ۋنيۆەرسيتەت بازاسىندا ەلىمىزدە العاش رەت حالىقارالىق دەڭگەيدە پەدوگوگ ماماندار دايارلاناتىن بولادى»، - دەدى ەرالى توعجانوۆ ەلوردادا ءوتىپ جاتقان «ادامي كاپيتال – جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم فورۋمىندا.
ۇكىمەت باسشىسى ورىنباسارىنىڭ مالىمدەۋىنشە، ۇزدىك ۋنيۆەرسيتەتتەردى ەلىمىزگە تارتۋ – جاستاردى ءبىلىم الۋ ءۇشىن ەلىمىزدە قالدىرۋدىڭ، جاس مامانداردىڭ شەتەلدەرگە كەتۋىن تەجەۋدىڭ ءتيىمدى ءتاسىلى.
«سوندىقتان بۇل باعىتتاعى جۇمىس مۇنىمەن شەكتەلمەۋى ءتيىس. بارلىق رەكتورلار، ونىڭ ىشىندە جەكەمەنشىك جوعارى وقۋ ورىندارى الەمدىك ۇزدىك ۋنيۆەرسيتەتتەرمەن بىرلەسە مامان دايارلاۋ بويىنشا باستامالاردى پىسىقتاۋى قاجەت. باستى مىندەت - ءبىلىم ساپاسىن حالىقارالىق دەڭگەيگە كوتەرۋ»، - دەيدى ول.