الماتىدا اۆتوبۋس ايالداماسىن جانە شىعىس اينالما اۆتوموبيل جولىنىڭ ۋچاسكەسىن بەزەندىرۋدە تەستىلىك رەجيمدە تىگىنەن كوگالداندىرۋ ءادىسى قولدانىلدى. جالپى، كوشەلەر مەن ءتۇرلى اۋماقتاردى تىگىنەن كوگالداندىرىلادى، دەپ حابارلايدى اlmaty-akshamy.kz.
دوستىق داڭعىلىنداعى ايالدامانى بەزەندىرۋ كەزىندە لاندشافت ديزاينەرلەرى بۇتالى قاراپايىم وسىمدىكتىڭ 160 گۇلىن – كولەۋستى قولداندى. شىعىس اينالما جولىنداعى تىرەۋ قابىرعالارىنىڭ ءبىرىن بەزەندىرۋ ءۇشىن 3450 دانا سارى جانە قىزعىلت سارى ءتۇستى تاگەتەس گۇلدەرى قولدانىلدى.
«بەزەندىرۋ كەزىندە كوگالداندىرۋدىڭ كونتەينەرلىك ءتاسىلى قولدانىلدى. قالىپتارداە وسىرىلگەن گۇلدەر دايىندالعان گۇلزارلار مەن گۇل قۇمىرالارىنا وتىرعىزىلادى. جازدا گۇلدەنۋ ماۋسىمىندا ولاردى بولشەكتەۋ جانە اۋىستىرۋ وڭاي. بارلىق پايدالانىلعان گۇل تۇرلەرى قۇرعاقشىلىققا جانە قالانىڭ كۇردەلى كليماتتىق جاعدايىنا ءتوزىمدى»، – دەدى الماتى قالاسى ەكولوگيا جانە قورشاعان ورتا باسقارماسىنىڭ جاسىل قوردى باسقارۋ جانە مونيتورينگ ءبولىمىنىڭ باسشىسى ولجاس جانىسپايەۆ.
تىگىنەن كوگالداندىرۋ كەڭىستىكتى ۇنەمدەيدى، قالاعا ەستەتيكالىق كورىنىس بەرەدى جانە ەكولوگيالىق جاعدايدى جاقسارتادى. بولاشاقتا ونى قالا كوشەلەرىن، ماگيسترالدارى مەن الاڭدارىن بەزەندىرۋ ءۇشىن لاندشافت ديزاينىنىڭ ەلەمەنتتەرىنىڭ ءبىرى رەتىندە پايدالانۋعا بولادى.