ەلىمىزدە الداعى ۋاقىتتا تاماق تاسۋشى كۋرەرلەردىڭ ورنىن دروندار الماستىرۋى مۇمكىن

قازاقستاننىڭ نارىعىندا تاعام جەتكىزۋشىلەردىڭ قىزمەتىن ەندى درون اتقارۋى مۇمكىن.

ۇشۋ اپپاراتى 20 كەلىگە دەيىن سالماقتى كوتەرۋگە قاۋقارلى. تەحنيكانىڭ جاڭا ءتۇرى "Digital bridge" كورمەسىنە قويىلدى، دەپ حابارلايدى Almaty-akshamy.kz Astanatv.kz-كە سىلتەمە جاساپ. 

جوبا اۆتورى امەريكانىڭ "ARC" كومپانياسى. مەكەمەنىڭ تەحنيكالىق ديرەكتورى الىبەك ەرتاي، بۇعان دەيىنگى دروندار تەك 5 كەلىگە دەيىن عانا كوتەرۋگە قاۋقارلى بولعانىن ايتادى.

ال، جاڭادان قۇراستىرىلعان اپپارات اۋىر سالماقتى تەز جەتكىزىپ بەرەدى.

«جيىرما كەلىگە دەيىن كوتەرە الادى. ءبىر ساعات ۇشادى دالادا. 42-45 كم جىلدامدىقپەن ۇشىپ جۇرەدى. ءبىز قازاقستاندا بۇلاردى الىپ كەلمەي، وسى جاقتا جاساعىمىز كەلەدى. ەكىنشىدەن، وسى جاقتا تاسىمالداۋدى باستاعىمىز كەلەدى»، - دەيدى  "ARC" كومپانياسىنىڭ تەحنيكالىق ديرەكتورى الىبەك  ەرتاي.  

ءتۇرلى كرەاتيۆتى يدەيامەن، سمارت تەحنولوگيانىڭ سوڭعى ۇلگىسىمەن جاسالعان وسىنداي ءتۇرلى جوبالار كورمەگە قويىلدى.

«قازاقستان IT مەملەكەت"، "جاساندى ينتەللەكتتى پايدالانۋدىڭ سىن-قاتەرى مەن تاۋەكەلدەرى"، "جاساندى ينتەللەكت شىعارماشىلىق ورتانى قالاي وزگەرتەدى" سىندى ءتۇرلى تاقىرىپتاردا پانەلدىك سەسسيالار دا ۇيىمداستىرىلدى. مامان رەتىندە جاۋاپ بەرگەن كينورەجيسسەر جانە پروديۋسەر تيمۋر بەكمامبەتوۆ جاساندى ينتەللەكت اكتەرلەردىڭ كومەكشىسى بولاتىنىنا سەنىمدى. جاساندى ينتەللەكتتى ءوزىمىز جاساپ وتىرمىز. بالامىز سىندى. ءبىز دۇرىس تاربيەلەيتىن بولساق، ول بىزگە كومەكتەسەتىن بولادى»، -دەيدى كينورەجيسسەر جانە پروديۋسەرتيمۋر بەكمامبەتوۆ.