بۇرىن-سوڭدى بولماعان جوبا.
قازىرگى تاڭدا كوپتەگەن جەرلەردە، كورنەكى قۇرالداردا، تاۋارلاردىڭ اتىندا نەمەسە تاۋارلار سورەسىندە، دۇكەن اتاۋلارى مەن جارنامالارداعى قازاق تىلىندەگى قاتە اقپاراتتان كوز سۇرىنەدى.
سۋرەتتەر: Kaz.365info.kz
بۇنداي ولقىلىقتاردى جويۋ ماقساتىندا «TAS GROUP» كومپانيالار توبى تىلىمىزگە جاناشىرلىق تانىتىپ، قازاق ءتىلىن دامىتۋعا ءوز ۇلەستەرىن قوسپاق. وسى ورايدا كومپانيا «ءتىل ساقشىسى» دەگەن جوبانى قولعا الىپ وتىر، دەپ حابارلايدى Almaty-akshamy.kz.
وعان كەز كەلگەن ادام قاتىسا الادى. بايقاۋ شارتتارىنا ساي جىلدىڭ سوڭىنا دەيىن ەڭ ۇزدىك ناتيجە كورسەتكەن 3 ءتىل ساقشىسىنا اقشالاي سىيلىقتار تابىستالادى.
«ۇلتتىڭ ساقتالۋىنا دا، جوعالۋىنا دا سەبەپ بولاتىن نارسەنىڭ ەڭ قۋاتتىسى – ءتىلى» دەگەن احمەت بايتۇرسىن ۇلىنىڭ ءسوزىن جەلەۋ قىلعان جوبا جايلى تولىعىراق https://tilsaqshysy.assyltas.kz/ سايتىنان بىلۋگە بولادى.