قازاقستاندىق قىز-كەلىنشەكتەردىڭ ورتاشا جاسى – 33،7 جاس.
حالىقارالىق ايەلدەر كۇنى قارساڭىندا ۇلتتىق ستاتيستيكالىق بيۋروسى قازاقستانداعى ايەلدەرگە قاتىستى ستاتيستيكا ۇسىنادى، دەپ حابارلايدى Zakon.kz.
2023 جىلعى 1 اقپانداعى سوڭعى مالىمەتتەر بويىنشا، ەلىمىزدە 10 118 282 ايەل تۇرادى، ونىڭ 6،3 ملن-ى قالالىق جەردە، 3،7 ملن-ى اۋىلدى جەرلەردە تۇرادى.
وڭىرلەر بولىنىسىندە ايەلدەردىڭ سانى بويىنشا الماتى قالاسى (1 157 823)، تۇركىستان (1 040 069) جانە الماتى وبلىستارى (753 562) كوش باستاپ تۇر.
قازاقستاندىق قىز-كەلىنشەكتەردىڭ ورتاشا جاسى – 33،7 جاس.
ستاتيستەردىڭ مالىمدەۋىنشە، كورسەتكىش 2022 جىلدىڭ باسىمەن سالىستىرعاندا 2،6 جىلعا ۇلعايعان. ايەلدەردىڭ ءومىر ءسۇرۋ ۇزاقتىعى كارانتين بولعان 2020-2021 جىلداردان كەيىن قايتادان وسە باستاپ، 78،3 جاس بولدى.
"ەڭبەك نارىعىندا 4 302،6 مىڭ ايەل جۇمىسپەن قامتىلعان. ولاردىڭ باسىم كوپشىلىگى ءبىلىم بەرۋ سالاسىندا ەڭبەكتەنەدى – 851 مىڭ، تاعى 828 مىڭى كوتەرمە نەمەسە بولشەك ساۋدامەن اينالىسادى، 451 مىڭى اۋىل، ورمان جانە بالىق شارۋاشىلىعى سالاسىندا. 401 مىڭ ايەل دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىندا، تاعى 328 مىڭى ونەركاسىپ سەكتورىندا جۇمىس ىستەيدى. تەك 74 مىڭ ايەل ونەر، ويىن-ساۋىق جانە دەمالىس سالاسىندا جۇمىس ىستەيدى"، دەلىنگەن ۇلتتىق ستاتيستيكا بيۋروسى تاراتقان اقپاراتتا.
ايتا كەتەيىك، 849 مىڭ ايەل جەكە كاسىپكەرلىك سۋبەكتىلەرىنىڭ باسشىسى بولىپ كەلەدى، بۇل تىركەلگەن جك-نىڭ جالپى سانىنىڭ 53،5%-ىنا تەڭ.