258 مىڭنان استام ايەل الەۋمەتتىك تولەم الىپ وتىر.
مەملەكەتتىك بيۋدجەتتەن بۇعان 1،2 ترلن تەڭگە جۇمسالماق، دەپ حابارلايدى Almaty-akshamy.kz
ايەلدەردىڭ تابىسىنا بايلانىستى ولاردىڭ ورتاشا مولشەرى 2 ايدىڭ قورىتىندىسى بويىنشا شامامەن 900 مىڭ تەڭگەنى قۇرادى.
1 قاڭتاردان باستاپ بالا تۋۋعا ارنالعان ءبىرجولعى جاردەماقىلاردىڭ مولشەرى ۇلعايتىلدى. ا.ج. ءبىرىنشى، ەكىنشى جانە ءۇشىنشى بالا تۋىلعان كەزدە وتباسى 131 مىڭ تەڭگە، ال ءتورتىنشى جانە 217 مىڭ تەڭگەدەن استام الادى.
«مەملەكەت باسشىسىنىڭ تاپسىرمالارىن ورىنداۋ ءۇشىن بالا كۇتىمى بويىنشا الەۋمەتتىك تولەمدەردى جۇزەگە اسىرۋ كەزەڭى 1 جاستان 1،5 جاسقا دەيىن ۇلعايتىلدى. وتكەن جىلى تۋىلعان بالالاردى ەسكەرە وتىرىپ، مۇنداي تولەمدەردى 760 مىڭعا جۋىق وتباسى الادى»، – دەدى ەحاقم باسشىسى.
تامارا دۇيسەنوۆا بۇل قىزمەتتەردىڭ بارلىعى الۋشىلارعا بەلسەندى تۇردە، ياعني مەملەكەتتىك ورگاندارعا جۇگىنبەي-اق ۇسىنىلاتىنىن ايتتى.
ەحاقم باسشىسى كوپ بالالى انالاردى قولداۋ شارالارىنا دا ەرەكشە نازار اۋداردى. ءتورت بالاسى بار وتباسىنا تولەنەتىن اي سايىنعى جاردەماقىنىڭ ەڭ تومەنگى مولشەرى 55 مىڭ تەڭگەدەن ءسال اسادى، ال 8 جانە ودان دا كوپ بالاسى بار وتباسىلار ءۇشىن ەڭ جوعارى مولشەرى 110 مىڭ تەڭگەدەن اسادى. بيىل جاردەماقىنىڭ بۇل ءتۇرىن جالپى قارجىلاندىرۋ كولەمى 410 ملرد تەڭگەگە 544 مىڭ وتباسىنا تولەۋ جوسپارلانۋدا.
"التىن القا" جانە "كۇمىس القامەن" ماراپاتتالعان انالارعا تاعى ءبىر جاردەماقى قاراستىرىلعان. ول ءومىر بويى تاعايىندالادى جانە اي سايىن تولەنەدى. بۇگىندە بۇل جاردەماقىنى 230 مىڭ انا الادى جانە ولار ءۇشىن رەسپۋبليكالىق بيۋدجەتتەن 61 ملرد تەڭگە قاراستىرىلعان.
"بارلىق الەۋمەتتىك تولەمدەر وتباسىنىڭ تابىسىنا قاراماستان تاعايىندالاتىنىن اتاپ وتكىم كەلدى. ءبىراق وتباسىنىڭ ءاربىر مۇشەسىنە شاققانداعى تابىسى بەلگىلەنگەن كەدەيلىك شەگىنەن تومەن بولعان جاعدايدا، مەملەكەت قوسىمشا اتاۋلى الەۋمەتتىك كومەك كورسەتەتىن بولادى. وتكەن جىلى ونى 729 مىڭ ادام الدى، بيىل ول 350 مىڭ ادامعا تاعايىندالدى، بۇل رەتتە ونىڭ ورتاشا مولشەرى اعىمداعى جىلى تىركەلگەن تولەمدەردى ەسكەرە وتىرىپ، 18 مىڭ تەڭگەنى نەمەسە وتكەن جىلدىڭ دەڭگەيىنەن 8،7 مىڭعا ارتىق"، – دەپ تۇيىندەدى ءسوزىن مينيستر.