ەلىمىزدە اەس قۇرىلىسى جوباسىن ىسكە اسىرۋ باستالدى

قازاقستاندا اتوم ەلەكتر ستانسياسى سالىنباق.

بۇل تۋرالى «سامۇرىق-قازىنا» ءۇاق» اق باسقارما ءتوراعاسى الماسادام ساتقالييەۆ ءمالىم ەتتى، دەپ حابارلايدى قازاقپارات ءتىلشىسى.

«بولجامدى ەنەرگەتيكالىق تەڭگەرىم 2023 جىلعا قاراي قۋاتى 2400 مەگاۆاتقا دەيىنگى اتوم ەلەكتر ستانساسىن سالۋ قاجەتتىگىن كورسەتتى. ءبىزدىڭ قور ۇكىمەتتىڭ باسشىلىعىمەن اتالعان جوبانى ىسكە اسىرۋعا كىرىستى. بۇل باعىتتاعى جۇمىس تۋرالى مۇددەلى تۇلعالار، جۋرناليستەر جانە قوعام الدىندا بايانداپ وتىراتىن بولامىز»، - دەدى الماسادام ساتقالييەۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق، قور باسشىسى قايىرىمدىلىق باعدارلاما تۋرالى ايتتى.

«مەملەكەت باسشىسى قور پايداسىنىڭ 7%-ى «قازاقستان حالقىنا» قورىنا جىبەرىلەتىنىن ايتتى. 2018 جىلدان باستاپ قور اكسيالارىنىڭ مەملەكەتتىك پاكەتىندە ديۆيدەندتەر 13 ەسە ءوستى. بيىل اتالعان كورسەتكىش 170 ملرد تەڭگە بولادى. سونىمەن قاتار، شامامەن 183 ملرد تەڭگە قايىرىمدىلىققا جانە اكسيونەرلەردىڭ پايداسىنا وزگە دە بولۋگە باعىتتالادى. قوردىڭ قايىرىمدىلىق باعدارلاماسى بار. ول جۇمىس «سامۇرىق-قازىنا تراست» كومپانياسى تاراپىنان جۇزەگە اسىرىلادى»، - دەيدى ول.