ەل وپپوزيسياسى پارلامەنتتە يمپيچمەنت جاريالاۋ تۋرالى قۇجاتقا قول قويۋعا شاقىردى.
ارمەنيا پرەمەر-مينيسترى نيكول پاشينيانعا يمپيچمەنت جاريالاۋ تۋرالى قۇجاتقا ءقازىر «ارمەنيا» جانە «مەندە ابىروي» وپپوزيسيالىق فراكسيالارىنىڭ 35 دەپۋتاتىنىڭ قولى قويىلعان. بۇل تۋرالى 15 قىركۇيەكتە «ارمەنيا» فراكسياسىنىڭ جەتەكشىسى، ەلدىڭ بۇرىنعى قورعانىس ءمينيسترى سەيران وگانيان مالىمدەدى، دەپ حابارلايدى Almaty-akshamy.kz Iz.ru سىلتەمە جاساپ.
سەيران وگانياننىڭ ايتۋىنشا، ساياساتكەردى بيلىكتەن كەتىرۋ ءۇشىن باسقارۋشى ازاماتتىق كەلىسىم فراكسياسىنىڭ كوبىرەك داۋىسى قاجەت.
«پروسەستى اياقتاۋ ءۇشىن باسقارۋشى فراكسيانىڭ 18 داۋىسى قاجەت»، - دەدى وگانيان پارلامەنت عيماراتى الدىنداعى ميتينگىدە.
سونداي-اق ەكس-مينيستر وگانيان ۇكىمەتتى قولدايتىن دەپۋتاتتاردى بۇل باستاماعا قوسىلۋعا شاقىردى.
بۇعان دەيىن ارمەنيا پارلامەنتىنە وپپوزيسيا دەپۋتاتتارى پاشينيانعا يمپيچمەنت جاريالاۋ بويىنشا داۋىس بەرۋ ءۇشىن كەلگەن. ولار پارلامەنت عيماراتىنا قىزمەتتىك كىرەبەرىس ارقىلى كىرگەن.
شەرۋشىلەر پاشينياننىڭ جاقتاستارى تەز ارادا كەلمەسە، ولاردى كۇشپەن اكەلەتىنىن ايتتى.