IT سالاسى جاندانۋدا
«Astana Hub» 500 ملن دوللارلىق IT-قىزمەتتەردى ەكسپورتتاماق، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ينتەللەكتۋالدى ناۆيگاسيالىق جۇيە، ءبىلىم بەرۋ پلاتفورمالارى، زاماناۋي قالا كوشەلەرىنىڭ بەينەتالداۋى جانە تاعى دا باسقا قىزمەتتەر.
بۇدان وزگە IT سالاسىنىڭ كاسىپقويلارى تاعى نە دايىنداۋدا؟ «Astana Hub» مۇشەلەرىنىڭ كۇندەلىكتى تىڭ ويلارى قازاقستاندىقتاردىڭ ءومىرىن الدەقايدا جايلى ەتەتىن ناقتى جوبالارعا اينالۋدا. بۇگىندە تالانتتى قازاقستاندىقتار تۇتاس كورپوراسيالار قۇرۋدا. مۇنداي بيزنەس تىڭ يدەيادان باستاۋ الۋدا.
بۇل – قانات كەلدىبەكوۆتىڭ يدەياسى. ونلاين باسقارۋعا بولاتىن «اقىلدى» قۇلىپ. ول ءوزى جىلجىمايتىن مۇلىكتىڭ يەسى بولا تۇرا، بىرنەشە رەت قونىستانعىسى كەلەتىن ازاماتتارمەن دۇرىس كەزدەسە الماعان. ناتيجەسىندە جاڭا تەحنولوگيا اتالعان ماسەلەنىڭ شەشىمىن تابۋمەن قاتار، تابىستى بيزنەس كوزىنە اينالعان.
«دامي باستادىق، ءموبيلدى قوسىمشا جاسادىق. قىتايدان جەتكىزۋشى تاۋىپ، العاشقى پارتياسىن الىپ كەلىپ پايدالاندىق. ءبىز ءموبيلدى قوسىمشا ارقىلى پاتەردى 1 مينۋتتا جالعا الۋعا بولاتىن ءونىمدى جاساپ شىعاردىق. بۇرىن كەپتەلىستە تۇراتىن ۋاقىتتان بولەك جالعا الۋ ءۇشىن 1-2 ساعات كەتەتىن بولسا، ءقازىر باسقاشا. ۇيگە قونىستانۋعا كوپ ۋاقىت كەتپەۋىن قاداعالايمىز جانە قاراجاتىڭىزدى ۇنەمدەيمىز»، - دەدى ستارتاپتىڭ نەگىزىن قالاۋشى قانات كەلدىبەكوۆ.