ق ر پرەمەر-مينيسترىنىڭ ورىنباسارى ەرالى توعجانوۆ ۆاكسينالاۋ قارقىنىن كەشىكتىرگەن اكىمدەردىڭ ورىنباسارلارىنا تارتىپتىك شارا قولدانۋدى ۇسىندى، دەپ حابارلايدى almaty-akshamy.kz قازاقپاراتقا سىلتەمە جاساپ.
«1 قىركۇيەكتەن بەرى ۆاكسينالاۋ جوسپارىنىڭ ەڭ تومەنگى ورىندالۋى 10-13 پايىز كولەمىندە نۇر-سۇلتان قالاسى مەن ماڭعىستاۋ، قوستاناي وبلىستارىندا بايقالىپ وتىر. ۆەدومستۆوارالىق كوميسسيا وتىرىستارىندا وڭىرلەرگە ۆاكسينالاۋ قارقىنىن جەدەلدەتۋ تۋرالى بىرنەشە مارتە تاپسىرما بەرىلگەن بولاتىن. ءبىراق ول تاپسىرما قاجەتتى دەڭگەيدە ورىندالىپ جاتقان جوق»، - دەگەن ۇكىمەت باسشىسىنىڭ ورىنباسارى اكىمدىكتەردىڭ جاۋاپكەرشىلىگىن كۇشەيتەتىن ناقتى شارالاردى ۇسىندى.
«وسىعان بايلانىستى ءوڭىر اكىمدەرىنە ۆاكسيناسيانى ۇيىمداستارۋ بويىنشا شىعىس قازاقستان وبلىسىنىڭ ۇلگىسىمەن تۇبەگەيلى شەشىمدەر قابىلداۋ كەرەك دەپ ەسەپتەيمىز. ۆاكسينالاۋ جوسپارىنىڭ ورىندالماعانى ءۇشىن اكىمدىك باسشىلارىنىڭ جەكە باسىمەن جاۋاپتى ەكەنىن بەكىتۋ قاجەت. ەگەر ۆاسينالاۋ بويىنشا وڭ ديناميكا بايقالماسا، وسى سالانى ۇيلەستىرەتىن اكىمدەردىڭ ورىنباسارالارىنا تارتىپتىك سيپاتتاعى شارا قولدانعان ءجون دەپ ەسەپتەيمىز»، - دەدى ەرالى توعجانوۆ.