سوڭعى كەزدەرى ورىستە جۇرگەن مالداردى سويىپ اكەتۋ وقيعالارى جيىلەگەن.
مال ۇرلىعى ساناتىنداعى قىلمىستاردىڭ الدىن الۋ، بولدىرماۋ ماقساتىندا الماتى وبلىسى كوكسۋ اۋدانىنىڭ پوليسەيلەرىمەن ناتيجەلى جۇمىستار جاسالۋدا، دەپ حابارلايدى Almaty-akshamy.kz Polisia.kz-كە سىلتەمە جاساپ.
"سوڭعى كەزدەرى مال ۇرلىعى قىلمىستارىنىڭ كوپشىلىگى ورىستە جۇرگەن مالداردى سويىپ الىپ كەتۋ دەرەكتەرى ورىن الۋدا. جۇرگىزىلگەن تالداۋعا سۇيەنسەك، مال ۇرلىعىن جاساۋعا ءبىرقاتار سەبەپتەردىڭ ىقپال ەتەتىنى انىقتالدى. بىرىنشىدەن، بۇل مالدىڭ ءوز باسىمەن جايىلۋى، مەنشىك يەلەرىنىڭ ورىستەگى مالدىڭ ساقتالۋىنا نەمقۇرايلى قاراۋى. مالشىلارمەن كەلىسىم – شارتتىق قاتىناستاردىڭ بولماۋى “ەركىن جايىلۋ” پراكتيكاسىن قالىپتاستىرادى جانە مالدىڭ كەدەرگىسىز ۇرلانۋىنا نەمەسە جوعالۋىنا ىقپال ەتەدى. پروبلەمالاردى زەردەلەۋ ۇرلىقتىڭ باسىم بولىگى مالدىڭ قاراۋسىز جايىلاتىن جەرلەردەن كەشكى ۋاقىتتا ۇرلاناتىنىن كورسەتتى. مالدى ۇستاۋ ورىندارى كوپ جاعدايدا جابۋ قۇرالدارىمەن جابدىقتالماعان، بۇل قىلمىسكەرلەرگە مال قوراسىنا كەدەرگىسىز ەنۋىنە مۇمكىندىك بەرەدى جانە بۇل مال يەلەرىنىڭ ولاردى تاڭبالاۋ مەن سىرعالاۋ ۋاقتىلى جۇرگىزىلمەگەندىكتەن، ۇرلانعان مالدى تانۋعا قيىندىق تۋعىزادى"، – دەدى كوكسۋ اپب باستىعى داۋرەن ساكەنوۆ.
مال ۇرلىعى كەشكى ۋاقىتتاردا ەركىن جايىلىمداردا ۇرلانادى، سونىمەن قاتار مال يەلەرىنە ءوز شارۋاشىلىقتارىن قورشالعان قورالارمەن جابدىقتاۋ قاجەت. مالدارعا مىندەتتى تۇردە تاڭبا سالۋ قاجەت، بۇل ۇرلانعان مالدى ىزدەۋ بويىنشا جۇمىستى جەڭىلدەتەدى. مال جوعالعان جاعدايدا جاۋاپكەرشىلىك تۋرالى باقتاشىلارمەن كەلىسىم جاساسۋ. شارۋا قوجالىعى يەلەرىنىڭ ءۇيىردىڭ جەتەكشىلەرىنە GPS سيگناليزاتورلارىن الۋى قۇپتالادى، ول ەركىن جايىلىمدا جۇرگەن تابىننىڭ تۇرعان جەرىن انىقتاۋعا مۇمكىندىك بەرەدى. ايتا كەتەرلىك جايت، مال ۇرلىعىنىڭ الدىن الۋدا پوليسەيلەرمەن تۇراقتى نەگىزدە جەدەل-پروفيلاكتيكالىق شارالار وتكىزىلەدى.