«ازاماتتارعا ارنالعان ۇكىمەت» باسپاناسى بار قازاقستاندىقتار تۋرالى مالىمەت ايتتى.
«ۇلتتىق اقپاراتتىق تەحنولوگيالار» اق بەرگەن اقپاراتقا سايكەس، قازاقستاندا 6 ميلليون 435 مىڭ 175 ادامنىڭ جەكە مەنشىكتە ءبىر باسپاناسى (پاتەر نەمەسە جەكە ءۇي) بار ەكەنىن حابارلادى.
قازاقستاندا 20 ميلليوننان استام ادام تۇرادى. سوڭعى ساناق بويىنشا، ەلدە 6،6 ميلليون بالا بار، دەپ حابارلايدى Almaty-akshamy.kz.
وسىلايشا، ەلىمىزدە جەكە باسپاناسى جوق قازاقستاندىقتاردىڭ شامامەن سانى شامامەن 6،9 ميلليون ادام. بۇعان سونىمەن بىرگە ولارمەن بىرگە تۇراتىن، ءبىراق مۇلىككە مەنشىك قۇقىعىندا ۇلەسى جوق مەنشىك يەلەرىنىڭ جۇبايلارى جاتادى.
ەلىمىزدە بارلىعى 7 ميلليون 259 مىڭ 231 جىلجىمايتىن مۇلىككە قۇقىق تىركەلگەن. ولاردىڭ ىشىنەن:
944 849 ازاماتتا 2 جىلجىمايتىن مۇلىك بار؛
286 502 ازاماتتىڭ 3 جانە ودان دا كوپ جىلجىمايتىن مۇلكى بار؛
ونىڭ ىشىندە 10-نان استام جىلجىمايتىن مۇلىكتەرى بار 1669 ازامات.
كامەلەتكە تولماعانداردىڭ ەسەبىندە 91 534 جىلجىمايتىن مۇلىك نىسانى بار ەكەنى حابارلاندى.
«سونىمەن بىرگە اقپاراتتىق جۇيەدە تەك جىلجىمايتىن مۇلىككە مەنشىك قۇقىعىن تىركەگەن ازاماتتار تۋرالى اقپارات قامتىلعانىن حابارلايمىز. سونىمەن قاتار جىلجىمايتىن مۇلىكتىڭ زاڭدى كاداسترىندا «ەكونوميكالىق بەلسەندى حالىق» كريتەرييى بويىنشا اقپارات جوق ەكەنىن حابارلايمىز»، - دەپ قورىتىندىلادى كومپانيا.