بۇل سۇراققا الماتى قالاسىنىڭ مەملەكەتتىك كىرىستەر دەپارتامەنتى جاۋاپ بەردى.
قولما-قول اقشاسىز تولەمدەردى قابىلداۋدان باس تارتۋ فاكتىلەرى تۋرالى مەملەكەتتىك كىرىس ورگاندارىنا حابارلاۋ قاجەت، دەپ حابارلايدى Almaty-akshamy.kz
جاڭا جىلدان كەيىن الماتىلىقتار مىنانداي پروبلەماعا تاپ بولدى - تاكسي جۇرگىزۋشىلەرى تولەمدى اۋدارىممەن قابىلداۋدان باس تارتۋدا. مۇنداي تالاپتار قانشالىقتى زاڭدى؟ بۇل تۋرالى الماتىنىڭ مەملەكەتتىك كىرىستەر دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىندە وتكەن بريفينگتە ايتتى.
ساراپشىلار سوڭعى جىلدارى ءموبيلدى بانكتىك قوسىمشالاردىڭ تانىمالدىعى ارتقانىن، كاسىپكەرلەر ولاردى تاۋارلاردى ساتۋ جانە قىزمەت كورسەتۋ ءۇشىن تولەمدەردى قابىلداۋ كەزىندە كوبىرەك قولداناتىنىن اتاپ ءوتتى.
الايدا، جەكەلەگەن كاسىپكەرلەر ساتىلعان تاۋار نەمەسە كورسەتىلگەن قىزمەتتەر ءۇشىن قولما-قول اقشامەن تولەۋدى تالاپ ەتە وتىرىپ، قولما-قول اقشاسىز تولەمدەردى قابىلداۋدان باس تارتقان جاعدايلار بار.
جۋرناليستەر «ەگەر تاكسي جۇرگىزۋشىلەرى اقشا اۋدارىمىن قابىلداماسا نە ىستەۋ كەرەك» دەگەن سۇراق قويدى.
«ەگەر ادام تاكسي قىزمەتىن كورسەتسە، وندا ول تيىسىنشە جەكە كاسىپكەر رەتىندە تىركەلۋى ءتيىس. ءسىز تاكسي اگرەگاتورلارى ارقىلى، ارنايى قوسىمشالاردا تىركەلە الاسىز. ونىڭ ءوز پايىزدارى بار. ءسىز e-Salyq Business نەمەسە ياندەكس تاكسيدە جەكە كاسىپكەر رەتىندە تىركەلىپ، باسقا الەۋمەتتىك تولەمدەرمەن بىرگە اي سايىن 1 پايىز تولەي الاسىز. ءقازىر سالىق مىندەتتەمەلەرىن ورىنداۋ جەڭىلدەتىلدى. ەسەپ بەرۋدى تاپسىرۋ دا جەڭىلدەتىلگەن. QR-كودتاردى ورنالاستىرۋ دا قيىندىق تۋعىزبايدى»، - دەدى الماتى قالاسى بويىنشا مەملەكەتتىك كىرىستەر دەپارتامەنتى ءتۇسىندىرۋ جۇمىستارى جانە بايلانىس ورتالىعى باسقارماسىنىڭ باسشىسى ايجان بەكەيەۆا.
قولما-قول اقشاسىز تولەمدەردى قابىلداۋدان باس تارتۋ زاڭسىز بولىپ تابىلادى.
«ءبىز بۇعان دەيىن ايتقانىمىزداي، سالىق رەجيمدەرىن قولدانۋدىڭ ارنايى تۇرلەرى بار. تاكسي جۇرگىزۋشىلەرى ءۇشىن سالىق جۇكتەمەسىنىڭ پايىزى نەبارى 1 پايىز بولاتىن رەجيم وتە ىڭعايلى. ياعني، ادام ءبىر اي بويى تاكسي بولىپ ءجۇرىپ، 100 مىڭ تەڭگە تاپسا، ونىڭ 1 پايىز سالىعى – 1000 تەڭگە. وعان قوسا ونىڭ الەۋمەتتىك تولەمدەرى. سونىمەن، بۇل قوسىمشا نە ءۇشىن ىڭعايلى؟ كاسسالىق ماشينا ءقازىردىڭ وزىندە ورناتىلعان. اي سايىنعى قىزمەتتى ساتىپ الۋ، تولەۋ قاجەتتىلىگى جوعالادى. ياعني، ول تاكسي قىزمەتىن كورسەتە الادى، چەكتى ەلەكتروندى فورماتتا جازىپ، ونى كليەنتكە جىبەرە الادى»، – دەپ اتاپ ءوتتى الماتى قالاسى بويىنشا مەملەكەتتىك كىرىستەر دەپارتامەنتى جەكە كاسىپكەرلەر مەن جەكە تۇلعالاردى اكىمشىلەندىرۋ باسقارماسىنىڭ باسشىسى نۇرلىبەك ۋسپانوۆ.
قولما-قول اقشاسىز تولەمدەردى قابىلداۋدان باس تارتۋ فاكتىلەرى تۋرالى مەملەكەتتىك كىرىس ورگاندارىنا حابارلاۋ قاجەت.