«قازگيدرومەت» رمك 6-8 قاڭتار ارالىعىندا اياز كۇشى - 30 گرادۋسقا جەتەدى دەپ بولجاۋدا.
الداعى تاۋلىكتەردە اتلانتيكالىق سيكلون مەن اتموسفەرالىق فرونتالدىڭ اسەرىنەن قازاقستاننىڭ باسىم بولىگىندە قار جاۋادى، وڭتۇستىك وبلىستاردا جاڭبىر مەن قار ارالاس جاۋىن-شاشىن بولادى، دەپ حابارلايدى Almaty-akshamy.kz.
6 قاڭتاردا ەلىمىزدىڭ سولتۇستىك-باتىسىنا قالىڭ قار تۇسەدى.
7-8 قاڭتاردا سولتۇستىك-باتىس، سولتۇستىك جانە ورتالىقتا قالىڭ قار جاۋادى دەپ بولجانعان. رەسپۋبليكانىڭ سولتۇستىك جارتىسىندا جاۋىن-شاشىنمەن بىرگە كوكتايعاق، بۇرقاسىن بولادى. رەسپۋبليكا بويىنشا تۇمان ءتۇسىپ، جەل كۇشەيەدى.
«سولتۇستىك-باتىس انتيسيكلون ارقىلى سۋىق اۋا ماسساسى ەلىمىزدىڭ باتىسىندا، سولتۇستىك-باتىسىندا، سولتۇستىگىندە جانە شىعىسىندا تەمپەراتۋرانىڭ كۇرت تومەندەۋىنە اكەلەدى. وسىلايشا، تۇندە باتىستا جانە سولتۇستىك-باتىستا اياز بولىپ، تەمپەراتۋرا - 8-25 گرادۋسقا دەيىن تومەندەيدى. ال ەلدىڭ سولتۇستىگىندە -5-30 گرادۋس اياز بولسا، رەسپۋبليكانىڭ شىعىسىندا -5-18 گرادۋسقا دەيىن كۇن سۋىتادى. وڭتۇستىك وبلىستاردا تۇندە - 5، كۇندىز سەلسيي باعانى + 7 كورسەتەدى»، دەلىنگەن «قازگيدرومەت» رمك حابارلاماسىندا.