تاۋەلسىزدىك العاننان كەيىن وسى ەسىمنىڭ تانىمالدىعى ارتقان
قازاقستاندا تاۋەلسىزدىكپەن بايلانىستى ەرەكشە ەسىمدەر بار، دەپ حابارلايدى Almaty-akshamy.kz 24.kz-كە سىلتەمە جاساپ.
دەرەككوزدىڭ جازۋىنشا، بۇگىندە قازاقستاندا ەلباسى ەسىمدى 65 ادام تۇرادى. نۇرسۇلتان ەسىمدى ەرلەردىڭ سانى – 25 660. تاۋەلسىزدىك العاننان كەيىن وسى ەسىمنىڭ تانىمالدىعى ارتقان.
ۇلتتىق ستاتيستيكا بيۋروسىنىڭ باسپا ءسوز حاتشىسى اسەم الدوڭعار قىزى: «ۇلتتىق ستاتيستيكا بيۋروسى ەسىمدەرگە قاتىستى ستاتيستيكانى اي سايىن جۇرگىزەدى. قازاقستان تاۋەلسىزدىگىمەن بايلانىستى ەسىمدەر ءجيى كەزدەسىپ جاتادى. ولار - استانا، اتازاڭ، تاۋەلسىزدىك، تەڭگە، ەلباسى، قازاقستان ەسىمدەرى»، – دەيدى.