ەلىمىزدىڭ بارلىق وڭىرلەرىندە كوكتەمگى ەگىس ناۋقانى قارقىندى ءجۇرىپ جاتىر. وعان دەيىن ءبىرقاتار اگروتەحنيكالىق جۇمىستار اتقارىلدى: 17،1 ملن گەكتار القاپتا ىلعال جابۋ، 7،3 ملن گەكتاردا تۇقىم سەبۋگە دەيىنگى وڭدەۋ جانە 1،9 ملن گەكتاردا كوكتەمگى جىرتۋ جۇمىستارى جۇرگىزىلدى.
بۇگىنگى تاڭدا 5،2 ملن گەكتاردان استام اۋىل شارۋاشىلىعى جەرى ەگىلدى. اتاپ ايتقاندا:
اقمولا وبلىسىندا – 971،1 مىڭ گا، الماتى وبلىسىندا – 228،4 مىڭ گا، اقتوبە وبلىسىندا – 124،9 مىڭ گا، شىعىس قازاقستان وبلىسىندا – 337،6 مىڭ گا، جامبىل وبلىسىندا – 316،5 مىڭ گا، باتىس قازاقستان وبلىسىندا – 171،2 مىڭ گا، قاراعاندى وبلىسىندا – 435 مىڭ گا، قوستاناي وبلىسىندا – 385،1 مىڭ گا، پاۆلودار وبلىسىندا – 467،9 مىڭ گا، سولتۇستىك قازاقستان وبلىسىندا – 359،1 مىڭ گا، تۇركىستان وبلىسىندا – 482 مىڭ گا، جەتىسۋ وبلىسىندا – 353،6 مىڭ گا، اباي وبلىسىندا – 463،6 مىڭ گا جانە باسقا وڭىرلەردە دە ەگىس جۇمىستارى جۇرگىزىلۋدە.
نەگىزگى داقىلدار بويىنشا: ءداندى داقىلدار – 3 ملن گەكتاردان استام، مال ازىعى داقىلدارى – 382،3 مىڭ گا، كوكونىس – 91،4 مىڭ گا، كارتوپ – 66،7 مىڭ گا، باقشا داقىلدارى – 69،9 مىڭ گا، مايلى داقىلدار – 1،2 ملن گا، ماقتا – 130،9 مىڭ گا، قانت قىزىلشاسى – 17،4 مىڭ گا، كۇرىش – 52،6 مىڭ گا ەگىلدى.
اگرارلار 1 ملن توننادان استام مينەرالدىق تىڭايتقىش جەتكىزۋگە كەلىسىمشارت جاساعان، ونىڭ ىشىندە 849،2 مىڭ تونناسى جونەلتىلدى.
بيىلعى جىلعا تۇقىمعا دەگەن قاجەتتىلىك 2،3 ملن توننانى قۇرايدى، بۇل كورسەتكىش 100% قامتاماسىز ەتىلدى.
بولىنگەن 401 مىڭ توننا ديزەل وتىنىنىڭ 233 مىڭ تونناسى جونەلتىلدى.
ەگىس جۇمىستارى جوسپارعا سايكەس جالعاسۋدا.