بۇگىندە قازاقستاننىڭ بارلىق وڭىرلەرىندە اسقازان-ىشەك جولدارىنىڭ ونكولوگيالىق اۋرۋلارىن ەرتە دياگنوستيكالاۋعا ارنالعان مامانداندىرىلعان ساراپتامالىق ەندوسكوپيالىق ورتالىقتار اشىلدى. بۇل تۋرالى ق ر دەنساۋلىق ساقتاۋ ۆيسە-مينيسترى ەرجان نۇرلىبايەۆ استانادا وتكەن II ورتالىق ازيا ەندوسكوپيالىق فورۋمىندا ايتتى.
«ەڭ باستىسى – ناق وسى ورتالىقتاردا كلينيكالىق تاجىريبە جيناقتالىپ، از ءينۆازيۆتى دياگنوستيكا مەن ەمدەۋ ادىستەرىنىڭ دامۋى ءۇشىن كۇش-جىگەردى شوعىرلاندىرۋ جانە جوعارى بىلىكتى مامانداردى تارتۋ بولىپ تابىلادى. قازىرگى تاڭدا مۇنداي ەندوسكوپيالىق ورتالىقتار ەلىمىزدىڭ بارلىق دەرلىك وڭىرلەرىندە جۇمىس ىستەيدى، – دەپ اتاپ ءوتتى ەرجان نۇرلىبايەۆ.
II ورتالىق ازيا ەندوسكوپيالىق فورۋمى قازاق ەندوسكوپيالىق قوعامى مەن ۇلتتىق عىلىمي ونكولوگيا ورتالىعىنىڭ ۇيىمداستىرۋىمەن، ق ر دەنساۋلىق ساقتاۋ مينيسترلىگىنىڭ قولداۋىمەن ءوتتى، بۇل شاراعا قازاقستان، رەسەي، بەلارۋس، ۋكراينا، موڭعوليا، ءۇندىستان جانە باسقا ەلدەردەن 400-گە جۋىق قاتىسۋشى مەن 40 شاقتى سپيكەر جينالدى.
ەكى كۇن بويى ساراپشىلار دياگنوستيكا مەن ەمدەۋدىڭ زاماناۋي تاسىلدەرىن تالقىلاپ، ەندوسكوپيالىق ارالاسۋلار كورسەتىپ، ونكولوگيا، گاستروەنتەرولوگيا، پۋلمونولوگيا جانە وزگە دە سالالارداعى ۇزدىك تاجىريبەلەرىمەن ءبولىستى.
قوناقتاردىڭ قاتارىندا الەمدىك دەڭگەيدەگى جەتەكشى ماماندار: جاپونيادان وڭەشتىڭ زاماناۋي ەندوسكوپيالىق حيرۋرگياسىنىڭ نەگىزىن قالاۋشىلاردىڭ ءبىرى پروفەسسور حارۋحيرو ينوە؛ اسقازان وبىرىن ەرتە انىقتاۋ سالاسىنداعى ساراپشى پروفەسسور توموحيكو مورياما؛ سونداي-اق وڭتۇستىك كورەيادان پروفەسسور چون سون ۋ جانە باسقالار بولدى.
فورۋمنىڭ جۇمىسى كەزىندە جاساندى ينتەللەكت جۇيەلەرى مەن ەرتە كەزەڭدەگى وبىردى دياگنوستيكالاۋعا جانە از ءينۆازيۆتى ارالاسۋلارعا ارنالعان قۇرال-جابدىقتار كورمەسى ءوتتى.
قازاق ەندوسكوپيالىق قوعامىنىڭ ءتوراعاسى، ۇلتتىق عىلىمي ونكولوگيا ورتالىعىنىڭ ساراپتامالىق ەندوسكوپيا بولىمشەسىنىڭ مەڭگەرۋشىسى قانات باتىربەكوۆ قازىرگى تاڭدا نەگىزگى نازار اشىق حيرۋرگيالىق ارالاسۋسىز-اق قاتەرسىز، شەكارالىق جانە ەرتە ساتىداعى قاتەرلى ىسىكتەردى الىپ تاستاۋعا مۇمكىندىك بەرەتىن جوعارى تەحنولوگيالىق وپەراسيالارعا اۋدارىلعانىن ايتتى:
«ونكولوگيادا ەندوسكوپيانىڭ ورنى ەرەكشە. ول ىسىكتى ەرتە انىقتاپ قانا قويماي، ونى جۇمساق تاسىلمەن الىپ تاستاۋعا مۇمكىندىك بەرەدى. ءبىز قازىرگى ەندوسكوپيانىڭ دياگنوستيكادان باستاپ، جۋىردا مۇمكىن ەمەس دەپ سانالاتىن از ءينۆازيۆتى ەمدەۋگە دەيىنگى بارلىق الەۋەتىن كورسەتۋگە ۇمتىلامىز، – دەدى ول.
فورۋمنىڭ شەڭبەرىندە سيمۋلياسيالىق ستانسيالاردا ترەنينگتەر ۇيىمداستىرىلىپ، قاتىسۋشىلار ناقتى ۋاقىتتا POEM، ESD، ERCP سياقتى كۇردەلى ارالاسۋلاردى وپەراسيالىق زالداردان live-سەسسيالار كەزىندە باقىلادى.