قازاقستاندا بانك كارتوچكالارى ارقىلى 93،7 ترلن تەڭگەگە وپەراسيا جاسالدى – ۇلتتىق بانك
وتكەن جىلى قازاقستاندا بانك كارتوچكالارى ارقىلى 93،7 ترلن تەڭگە سوماسىنا وپەراسيا جاسالدى، دەپ حابارلايدى اlmaty-akshamy.kz ۇلتتىق بانككە سىلتەمە جاساپ.
«2021 جىلى قازاقستاندىق بانكتەردىڭ تولەم كارتوچكالارى ارقىلى جالپى كولەمى 93،7 ترلن تەڭگە سوماعا 6،5 ملرد وپەراسيا جۇرگىزىلدى (2020 جىلى – 52 ترلن تەڭگە سوماعا 3،2 ملرد وپەراسيا جۇرگىزىلدى). تولەم كارتوچكالارى بويىنشا وپەراسيالار كولەمىنىڭ 78% (73،1 ترلن تەڭگە) قولما-قول اقشاسىز تاسىلمەن جۇرگىزىلدى. 22% (20،6 ترلن تەڭگە) بانكوماتتاردان قولما-قول اقشا رەتىندە الىندى»، - دەلىنگەن ۇب حابارلاماسىندا.
سونداي-اق وتكەن جىلى ءاربىر بەسىنشى قولما-قول اقشاسىز وپەراسيانىڭ ۇشەۋى ينتەرنەت جانە ءموبيلدى بانكينگ ارقىلى جۇرگىزىلگەن. ولاردىڭ جالپى كولەمدەگى ۇلەسى 83% قۇرايدى. ورتاشا العاندا، ينتەرنەت جانە ءموبيلدى بانكينگ ارقىلى كۇندەلىكتى جۇرگىزىلگەن وپەراسيالار سانى 11،5 ميلليوننان استى، جالپى سوماسى - 167 ملرد تەڭگە.
«تولەم كارتوچكالارىن پايدالانا وتىرىپ، تاۋارلار مەن قىزمەتتەرگە اقى تولەۋ ءۇشىن ينفراقۇرىلىم كەڭەيۋدە. POS-تەرمينالداردىڭ سانى 2،4 ەسەگە ءوسىپ، 509 مىڭ بىرلىكتى قۇرادى. نارىقتاعى POS-تەرمينالداردىڭ 97% جاناسۋسىز تولەم فۋنكسياسىن قولدايدى. تولەم كارتوچكالارىن قابىلدايتىن كاسىپكەرلەر سانى 2،5 ەسەگە ءوسىپ، 274 مىڭدى قۇرادى»، - دەدى ۇلتتىق بانكتە.