وقۋشىلاردىڭ وقۋ فورماتىندا كۇندە وزگەرىس بولىپ جاتىر
2022 جىلعى 24 قاڭتاردان باستاپ قازاقستان بويىنشا بارلىق ءبىلىم بەرۋ ۇيىمى ءداستۇرلى تۇردە وفلاين فورماتتا جۇمىس ىستەيتىن بولادى، دەپ حابارلايدى Almaty-akshamy.kz 24.kz-كە سىلتەمە جاساپ.
مۇنداي شەشىمدى كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا قابىلدادى. ق ر بعم مالىمەتىنشە، ءبىلىم بەرۋ ۇيىمدارى مىناداي الگوريتممەن جۇمىس ىستەيدى. مەكتەپكە دەيىنگى ۇيىمدار (بالاباقشالار) بالالاردى اتا-انالارىنىڭ ءوتىنىشى بويىنشا قابىلدايدى. 600 بالاعا دەيىن وقۋشىسى بار جالپى ءبىلىم بەرەتىن مەكتەپتەردە – تولىققاندى وفلاين وقۋ.
600-دەن استام وقۋشىسى بار مەكتەپتەردە وفلاين وقىتۋ كەزىندە تولىمدىق جوبالىق قۋاتتىڭ 50%-ىنەن اسپاۋى ءتيىس. بۇل جاعدايدا بعم 1-4 سىنىپ وقۋشىلارىن ولاردىڭ جاس ەرەكشەلىكتەرىن ەسكەرە وتىرىپ، ءداستۇرلى فورماتتا وقىتۋدى ۇسىنادى. سەبەبى باستاۋىش سىنىپ بالالارىنا قاشىقتان ءبىلىم الۋ قيىنعا سوعادى. 5-11 سىنىپ وقۋشىلارىنا كەلەر بولساق، مەكتەپ اكىمشىلىكتەرىنە بالالاردى شتاتتى فورماتتا وقىتۋ، اۋىسىمدار مەن ىشكى اۋىسىمداردىڭ جۇمىسىن ۇيىمداستىرۋ، كەيبىر پاندەر بويىنشا ساباقتاردى قاشىقتان وقىتۋ فورماتىنا اۋىستىرۋ تۋرالى اتا-انالاردىڭ وتىنىشتەرىن ەسكەرۋ ۇسىنىلادى.
مەكتەپتەردەن تىس ۇيىمدارداعى وقۋ: جەكە ساباقتار تولىققاندى وفلاين فورماتتا، 15 ادامعا دەيىنگى توپتىق ساباقتار شتاتتىق رەجيمدە، مۇمكىندىگى شەكتەۋلى بالالارعا ارنالعان تۇزەتۋ كابينەتتەرىندە (ورتالىقتاردا) جەكە ساباقتار مەن 8 ادامعا دەيىنگى توپتىق ساباقتار شتاتتىق رەجيمدە جۇرگىزىلەدى. ەلىمىزدىڭ كوللەدجدەرى مەن جوو-لارىندا وقىتۋ ارالاس فورماتتا: پراكتيكالىق، لاباراتورلىق، سەمينار ساباعى، وندىرىستىك ىس-تاجىريبە شتاتتىق رەجيمدە، دارىستەر ونلاين فورماتتا وتەدى.