سۋ رەسۋرستارى جانە يرريگاسيا مينيسترلىگى گيدروتەحنيكالىق قۇرىلىستاردى سالۋ جانە جاڭعىرتۋ بويىنشا 214 جوبا ازىرلەپ جاتىر، دەپ حابارلايدى aqshamnews.kz
سۋ رەسۋرستارى جانە يرريگاسيا مينيسترلىگى گيدروتەحنيكالىق قۇرىلىستاردى سالۋ جانە قايتا جاڭعىرتۋ بويىنشا 214 جوبانىڭ جوبالاۋ-سمەتالىق قۇجاتتامالارى مەن تەحنيكالىق-ەكونوميكالىق نەگىزدەمەلەرىن ازىرلەپ جاتىر.
جوبالاردىڭ ىشىندە 21ء-ى جالپى كولەمى 1،8 ملرد تەكشە مەتر بولاتىن سۋ قويمالارىن سالۋ جانە قايتا جاڭعىرتۋعا ارنالعان. تاعى 180 جوبا ۇزىندىعى 4024 شاقىرىمعا جەتەتىن 243 سۋ ارناسىن جاڭارتىپ، اۆتوماتتاندىرۋدى كوزدەيدى. ال قالعان 13 جوبا ءارتۇرلى باسقا دا گيدروتەحنيكالىق قۇرىلىستاردى قامتيدى.
«بارلىق جوبا سۋ رەسۋرستارىن ۇتىمدى پايدالانۋدى كوزدەيدى. سونداي-اق اۆتوماتتاندىرۋ ەلەمەنتتەرىن قامتيدى. بۇل جوبالار جۇزەگە اسىرىلسا، 577 مىڭ گەكتار جەردىڭ سۋارمالى سۋمەن قامتۋ جاعدايى ايتارلىقتاي جاقسارادى. جوبالاردىڭ باسىم بولىگىنە قاتىستى قۇجاتتاردى ازىرلەۋ جۇمىستارىن بيىلدىڭ سوڭىنا دەيىن اياقتاۋ جوسپارلانىپ وتىر»، – دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.