ەلىمىز پەداگوگ ماگيسترانتتاردى كوبىرەك دايىنداماق

ماگيستراتۋرادا وقۋعا گرانتتاردىڭ كوپ سانى پەداگوگيكالىق ماماندىقتار بويىنشا قاراستىرىلعان – 3 642 گرانت.

2021-2022 وقۋ جىلىندا ماگيستراتۋراعا ءتۇسۋ ءۇشىن 13 مىڭنان استام گرانت، دوكتورانتۋراعا – 1800-دەن استام گرانت ءبولىندى، دەپ حابارلايدى Almaty-akshamy.kz ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

مينيسترلىكتىڭ مالىمەتىنشە، ءبىلىم بەرۋ گرانتتارى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرىنە جانە جۇمىس بەرۋشىلەردىڭ سۇرانىسقا يە ماماندىقتار تۋرالى اقپاراتىنا سايكەس بولىنگەن. ينجەنەرلىك، وڭدەۋ جانە قۇرىلىس سالالارىنا – 3429، جاراتىلىستانۋ عىلىمدارى، ماتەماتيكا جانە ستاتيستيكا باعىتى بويىنشا – 1278، اقپاراتتىق-كوممۋنيكاسيالىق تەحنولوگيالار بويىنشا – 1233، اۋىل شارۋاشىلىعى جانە بيورەسۋرستار بويىنشا – 527 گرانت ءبولىندى. 

ەستەرىڭىزگە سالا كەتەيىك، ماگيستراتۋراعا ءتۇسۋ ءۇشىن كەشەندى تەستىلەۋدەن وتۋگە نيەت بىلدىرۋشىلەردى تىركەۋ 18 ماۋسىمدا باستالىپ، 15 شىلدەگە دەيىن جالعاسادى. ەمتيحان 20 شىلدەدە باستالادى. 

«تالاپكەرلەرگە ىڭعايلى بولۋ ءۇشىن ءبىز تەستىلەۋ ناتيجەلەرىمەن كەلىسپەگەن جاعدايدا اپەللياسياعا بەرۋ جۇيەسىن وزگەرتتىك. ول ەلەكتروندىق فورماتتا وتەدى. ەندى تالاپكەر تەستىلەۋ اياقتالعاننان كەيىن 30 مينۋت ىشىندە بىردەن اپەللياسياعا ءوتىنىش بەرە الادى»، – دەپ حابارلادى ق ر ءبىلىم جانە عىلىم ۆيسە-مينيسترى قۋانىش ەرعالييەۆ.