ەلىمىز كاتارمەن ىسكەرلىك ىنتىماقتاستىقتى ارتتىرۋدا

ق ر پرەمەر-مينيسترىنىڭ ءبىرىنشى ورىنباسارى ءاليحان سمايىلوۆ باستاعان قازاقستاندىق دەلەگاسيا كاتار مەملەكەتىنە جۇمىس ساپارىمەن باردى.

ساپار بارىسىندا پرەمەر-مينيستردىڭ ورىنباسارى – سىرتقى ىستەر ءمينيسترى شەيح مۇحاممەد بەن ابدۋراحمان ال-تانيمەن، مۋنيسيپاليتەت جانە قورشاعان ورتانى قورعاۋ ءمينيسترى ابدۋللا بەن ابدۋلازيز بەن تۇركي ال-سۋبايەمەن، كاتار ساۋدا-ونەركاسىپ پالاتاسىنىڭ ءبىرىنشى ورىنباسارى مۇحاممەد بين تاۋار ال-كوۆاريمەن، Qatar Airways باسشىسى اكبار ال-بەيكەرمەن جانە Qatar Investment Authority مەن Hassad Food ۇلتتىق كومپانيالارىنىڭ باسشىلارىمەن كەزدەسۋلەر ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.

قازاقستان-كاتار ىسكەرلىك كەڭەسى ەكى ەلدىڭ ىسكەر توپتارىنىڭ قاتىسۋىمەن ءوتتى، وندا قازاقستان مەن كاتار اراسىنداعى ساۋدا-ەكونوميكالىق جانە ينۆەستيسيالىق ىنتىماقتاستىقتىڭ باسىم باعىتتارى تالقىلاندى. پرەمەر-مينيستردىڭ ءبىرىنشى ورىنباسارى ءا.سمايىلوۆ ساۋدا-ەكونوميكا جانە ينۆەستيسيا سالالارىنداعى ەكىجاقتى ىنتىماقتاستىقتى دامىتۋدىڭ ۇلكەن الەۋەتى بار ەكەنىن اتاپ ءوتىپ، ەكى ەل اراسىنداعى مەملەكەتارالىق قاتىناستاردى تەرەڭدەتۋ مەن كەڭەيتۋگە جەكە سەكتوردى بەلسەندى تارتۋدىڭ ماڭىزدىلىعىن اتاپ ءوتتى.

شارا بارىسىندا قازاقستاننىڭ ءبىرقاتار ۇلتتىق كومپانياسى مەن ءىرى كاسىپورىندارىنىڭ باسشىلارى كاتارلىق بيزنەس وكىلدەرىنە ەلىمىزدە شەتەلدىك ينۆەستورلار ءۇشىن جاسالعان ەكونوميكالىق مۇمكىندىكتەر جونىڭدە باياندادى.

قازاقستاندىق دەلەگاسيا قۇرامىندا «سامۇرىق-قازىنا» ءۇاق» اق، «KAZAKH INVEST» ۇك» اق، «Kazakh Tourism» ۇك» اق، «بايتەرەك» ۇبح» اق باسشىلارى، قازاقستان رەسپۋبليكاسىنىڭ سىرتقى ىستەر، اۋىل شارۋاشىلىعى، ۇلتتىق ەكونوميكا، مادەنيەت جانە سپورت ۆيسە-مينيسترلەرى، مۇنىمەن قوسا «BI Group»، «Agro Holding Dinara Group»، «Target AI»، «Evotech CA» سەكىلدى ءىرى كومپانيالاردىڭ باسشىلارى بولدى.