وتانداسىمىز تەننيستەن جاقسى ونەر كورسەتتى.
دۇنيە جۇزىندەگى رەيتينگتە 112-ورىندا تۇرعان زارينا دياس چيكاگو WTA 250 ءتۋرنيرىنىڭ ىرىكتەۋ سايىستارىن ءساتتى وتكىزدى، دەپ حابارلايدى Almaty-akshamy.kz Olympic.kz-كە سىلتەمە جاساپ.
ىرىكتەۋ سايىستارىنىڭ 4-راكەتكاسى بولىپ تىركەلگەن دياس الدىمەن رەيتينگتە 448-ساتىداعى ۇلىبريتانيالىق ەدەن سيلۆانى 6:0، 6:1 ەسەبىمەن ويسىراتا ۇتتى.
وتاندىق تەننيسشى ىرىكتەۋ سايىستارىنىڭ فينالىندا الەمنىڭ 254-راكەتكاسى، وڭتۇستىككورەيالىق نا-لە حانمەن كۇش سىناستى. ز.دياس ساعات جارىمنان استام ۋاقىتقا سوزىلعان ماچتا 5:7، 6:1، 6:1 ەسەبىمەن جەڭىسكە جەتتى. ول باسەكە بارىسىندا 13 برەيك-پوينتتىڭ 10-ىن پايدالاندى. قارسىلاسى 10 برەيك-پوينتتىڭ التاۋىن ءوز ەسەبىنە جازدى. تەننيسشىلەر بىردە-بىر ەيس جاساعان جوق.
وسىلايشا زارينا نەگىزگى جارىسقا جولداما الدى. چيكاگو WTA 250 ءتۋرنيرى 23-30 تامىز ارالىعىندا وتەدى.