جالپى سوماسى 1،4 ترلن تەڭگەگە 90 جوبانى ىسكە قوسۋ جوسپارلانۋدا
ءبىر ايدىڭ ىشىندە ءار وبلىس يمپورتتى الماستىراتىن تاۋارلاردىڭ جوسپارىن ۇسىنۋى ءتيىس، دەپ حابارلادى Almaty-akshamy.kz پرەمەر-مينيستردىڭ باسپا ءسوز قىزمەتىنە سىلتەمە جاساپ.
ولار جاقىن ارادا يمپورتتىق تاۋارلاردى وتاندىق تاۋارلارمەن الماستىرعىسى كەلەدى. ازىرگە بارلىق وڭىرلەر شەتەلدەن كەلەتىن قانداي تاۋارلاردى وتاندىق تاۋارلارمەن الماستىرا الاتىنىن جانە بۇل ءۇشىن رەسۋرستار جەتكىلىكتىلىگى جوسپارىن ۇسىنۋى كەرەك.
كەشە ەلدەگى الەۋمەتتىك-ەكونوميكالىق جاعدايدى تۇراقتاندىرۋعا ارنالعان جيىندا يمپورت الماستىرۋدى دامىتۋ ماسەلەلەرى تالقىلاندى. ۇكىمەت ءقازىردىڭ وزىندە بەلگىلى ءبىر جوسپارلاردى اتادى.
«قازىرگى ۋاقىتتا تالداۋ نەگىزىندە يمپورتتى الماستىرۋ باعدارلاماسىنىڭ جوباسى ازىرلەندى، ونىڭ نەگىزگى ماقساتى يمپورتتى ازايتۋ، ەكسپورتتىق ارتىقشىلىقتاردى جانە وتاندىق ءوندىرىستىڭ باسەكەگە قابىلەتتىلىگىن ارتتىرۋ بولىپ تابىلادى. وبلىستاردىڭ، الماتى، نۇر-سۇلتان جانە شىمكەنت قالالارىنىڭ اكىمدىكتەرىمەن جۇرگىزىلگەن جۇمىستىڭ قورىتىندىسى بويىنشا وڭدەۋشى ونەركاسىپ سالالارىندا ينۆەستيسيالىق جوبالار پۋلى قالىپتاستى. تىزىمگە جالپى سوماسى 13،3 ترلن تەڭگەنى قۇرايتىن، 88 مىڭ جاڭا تۇراقتى جۇمىس ورنىن قۇرۋ الەۋەتى بار يمپورتتى الماستىراتىن 444 جوبا ەنگىزىلگەن»، – دەپ ءمالىم ەتتى پرەمەر-مينيستردىڭ باسپا ءسوز قىزمەتى.
بيىلدىڭ وزىندە قازاقستان وڭىرلەرى بويىنشا يندۋستريالاندىرۋ كارتاسىنا سايكەس 10،8 مىڭ جاڭا تۇراقتى جۇمىس ورنىن قۇرۋمەن جالپى سوماسى 1،4 ترلن تەڭگەگە 90 جوبانى ىسكە قوسۋ جوسپارلانۋدا.
«بۇگىندە بۇل ماسەلە الەمدەگى قازىرگى گەوساياسي جاعدايعا بايلانىستى وزەكتى بولىپ وتىر. سوندىقتان بۇل باعىتتاعى جۇمىستى جانداندىرىپ، يمپورتتى الماستىراتىن جوبالاردى جۇزەگە اسىرۋ ءۇشىن ينۆەستيسيا تارتۋ قاجەت»، – دەدى پرەمەر-مينيستر ءاليحان سمايىلوۆ.
جاقىن ارادا قازاقستاندىقتار قانداي وتاندىق تاۋارلاردى يمپورتتىق تاۋارلارمەن الماستىرا الاتىنىن انىقتايتىن بولادى.