ۇلتتىق ستاتيستيكا بيۋروسى كوكتەم مەن جاڭارۋ مەرەكەسى قارساڭىندا ناۋرىز ەسىمدى قانشا ادام تۇراتىنى تۋرالى ينفوگرافيكا دايىندادى
قازاقستاندا ناۋرىز ەسىمدى ءبىر جارىم مىڭعا جۋىق ادام تۇرادى. بۇل تۋرالى ۇلتتىق ستاتيستيكا بيۋروسى مالىمدەدى، دەپ حابارلايدى Almaty-akshamy.kz.
ۇلتتىق ستاتيستيكا بيۋروسى كوكتەم مەن جاڭارۋ مەرەكەسى قارساڭىندا قازاقستاندا ناۋرىز ەسىمدى قانشا ادام تۇراتىنى تۋرالى ينفوگرافيكا دايىندادى.
«قازاقستاندا ناۋرىز ەسىمدى 1 453 ادام بولسا، ونىڭ 1 417ء-ى ەر ادام، 36-ى ايەل. ناۋرىز ەسىمدى ازاماتتاردىڭ كوبى ماڭعىستاۋ وبلىسىندا - 278 ادام، تۇركىستان وبلىسىندا - 190 ادام، ال قىزىلوردا وبلىسىندا - 160 ادام تۇرادى»، - دەلىنگەن اقپاراتتا.
ايتا كەتەيىك، 01.01.2021 – 01.01.2022 جىلدار ارالىعىندا ناۋرىز ەسىمدى 17 ءسابي دۇنيەگە كەلگەن.