الماتى – ادامدارعا ارنالعان جاھاندىق قالا

الماتى قالاسىنىڭ اكىمدىگى مەن «الماتى قالاسىن دامىتۋ ورتالىعى» اق «الماتى قالاسىن دامىتۋدىڭ 2025 جىلعا دەيىنگى جوسپارىنىڭ نەگىزگى باسىمدىقتارى جانە 2030 جىلعا دەيىنگى ورتا مەرزىمدى پەرسپەكتيۆالارى» اتتى جوبانى جالپى تالقىلاۋعا ۇسىندى، دەپ حابارلايدى Almaty-akshamy.kz.
قۇجاتتىڭ باستى ماقساتى – مەگاپوليستىڭ بارلىق تۇرعىندارىنىڭ ءومىر ءسۇرۋ دەڭگەيىن ساپالى ارتتىرۋ.
الماتى ەڭ ءىرى قالا، 3 ملن. ادامنان استام حالىق تۇراتىن اگلومەراسيا ورتالىعى. ەلىمىزدەگى ساۋدا وپەراسيالارىنىڭ 36%- تەن استامى الماتىدا جاسالادى. ەلدىڭ ءجىو 1/5-كە جۋىعىن،  ق ر بيۋدجەتتىك تۇسىمدەرىنىڭ 1/4-تەن استامىن ءبىزدىڭ قالامىز بەرەدى. سونىمەن قاتار شاھاردا ق ر ستۋدەنتتەرىنىڭ 30%ء-ى (255 مىڭ)، 8 جوو QS World University Rankings 21/22 ۇزدىك 1000-تا بار.  الماتىدا 322 مادەنيەت وشاعى بار. سپورت وبەكتىلەرى دە ەڭ كوپ شوعىرلانعان (3،6 مىڭ).
الماتى حالقى سوڭعى 10 جىلدا 500 مىڭنان استام ادامعا ءوستى، سونىمەن بىرگە قالانىڭ الەۋمەتتىك، كولىك جانە باسقا دا ينفراقۇرىلىمىنا تۇسەتىن جۇكتەمە ەداۋىر ءوستى. قازىرگى وزگەرمەلى جاعدايدا قالالاردىڭ دامۋىندا زاماناۋي جاھاندىق ۇردىستەر ەسكەرىلۋى ءتيىس.
بۇگىندە  قالا تۇرعىندارىن
- 49%ء-ىن تومەنگى تابىس دەڭگەيى،
- 37%ء-ىن جۇمىسسىزدىق جانە جۇمىسقا ورنالاسۋداعى قيىندىقتار
- 54% ساۋالناماعا قاتىسقان الماتى تۇرعىندارىن ازىقتۇلىك، ءبىرىنشى كەزەكتە قاجەت تاۋارلار باعاسىنىڭ، تكش قىزمەتتەرى تاريفتەرىنىڭ ءوسۋى الاڭداتادى ەكەن.
قۇجاتتا قوردالانعان ماسەلەلەردى، حالىقارالىق تاجىريبەنى، الەۋمەتتىك زەرتتەۋلەردىڭ ناتيجەلەرىن، الماتىنىڭ تاريحي ءرولىن، ونىڭ مارتەبەسىن، ەكونوميكالىق الەۋەتىن جانە اعىمداعى احۋالدى ەسكەرە وتىرىپ انىقتالعان قالانى دامىتۋدىڭ قىسقا جانە ورتا مەرزىمدى باسىمدىقتارى كورسەتىلگەن. 
ءوز پىكىرىڭىزدى 1 شىلدەگە دەيىن تومەندەگى سىلتەمە ارقىلى «الماتى قالاسىن دامىتۋ ورتالىعى» اق سايتىندا قالدىرا الاسىز.