الەۋمەتتىك قىزمەتپەن 116 مىڭنان استام ادام قامتىلدى.
قازاقستاندا 12 مىڭنان استام الەۋمەتتىك قىزمەتكەر جۇمىس ىستەيدى، ولار حالىقتىڭ ءارتۇرلى ساناتتارىنا ءومىر ءسۇرۋ ساپاسىن جاقسارتۋ جانە قيىن جاعدايدان شىعۋ ءۇشىن كومەك كورسەتۋ ماقساتىندا ارناۋلى الەۋمەتتىك قىزمەتتەر كورسەتەدى، دەپ حابارلايدى Almaty-akshamy.kz.
"قازىرگى ۋاقىتتا الەۋمەتتىك قىزمەتكەرلەر قارتتارعا، مۇگەدەكتىگى بار ادامدارعا، ونىڭ ىشىندە بالالارعا، بەلگىلى ءبىر تۇرعىلىقتى جەرى جوق، باس بوستاندىعىنان ايىرۋ ورىندارىنان بوساتىلعان ادامدارعا، تۇرمىستىق زورلىق-زومبىلىق پەن ادام ساۋداسىنىڭ قۇرباندارىنا ارناۋلى الەۋمەتتىك قىزمەتتەر كورسەتەدى"، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
الەۋمەتتىك قىزمەتكەردىڭ نەگىزگى مىندەتتەرى قىزمەت الۋشىلاردى وزىنە-وزى قىزمەت كورسەتۋ، ءوزىن-وزى باقىلاۋ، قارىم-قاتىناس داعدىلارىنا ۇيرەتۋ بولىپ تابىلادى. سونداي-اق، الەۋمەتتىك قىزمەتكەرلەر وتباسى مۇشەلەرىمەن وڭالتۋ ءىس-شارالارىن ىسكە اسىرۋ جانە قىزمەت الۋشىلاردىڭ قوعامدا وزدەرىن بەيىمدەۋ بويىنشا جۇمىس جۇرگىزەدى، الەۋمەتتىك تولەمدەر مەن باسقا دا الەۋمەتتىك قولداۋ شارالارىن الۋعا جاردەمدەسەدى.
الەۋمەتتىك قىزمەتكەرلەر ستاسيونار، جارتىلاي ستاسيونار جاعدايىندا، ۇيدە جانە ۋاقىتشا بولۋ ۇيىمدارىندا ءااق ۇسىنادى.
12 مىڭ الەۋمەتتىك قىزمەتكەردىڭ 884ء-ى مەديسينالىق-الەۋمەتتىك مەكەمەلەردە، ونىڭ ىشىندە 695ء-ى ستاسيونارلىق مەكەمەلەردە، 189-ى وڭالتۋ ورتالىقتارىندا قىزمەت كورسەتەدى. ۇيدە الەۋمەتتىك كومەك كورسەتۋ بولىمشەلەرىندە 11 395 الەۋمەتتىك قىزمەتكەر، بەلگىلى ءبىر تۇرعىلىقتى جەرى جوق ادامدارعا ارنالعان الەۋمەتتىك بەيىمدەۋ ورتالىقتارىندا – 65، داعدارىس ورتالىقتارىندا – 65 الەۋمەتتىك قىزمەتكەر جۇمىس ىستەيدى.
سونىمەن قاتار، الەۋمەتتىك قىزمەتكەرلەردىڭ 45%-ى اۋدان ورتالىقتارى مەن قالالاردا، 30%-ى وبلىس ورتالىقتارى مەن رەسپۋبليكالىق ماڭىزى بار قالالاردا، 25%-ى اۋىلدىق وكرۋگتەردە قىزمەت كورسەتەدى.
2021 جىلدىڭ قورىتىندىسى بويىنشا مەملەكەتتىك جانە ۇكىمەتتىك ەمەس سەكتورلاردا ارناۋلى الەۋمەتتىك قىزمەتپەن 116 مىڭنان استام ادام قامتىلدى.
الەۋمەتتىك جۇمىس ماماندىق رەتىندە قازاقستان ءۇشىن سالىستىرمالى تۇردە جاڭاشىلدىق ەكەنىن اتاپ وتكەن ءجون. الەۋمەتتىك جۇمىس ماماندارىن كاسىبي دايارلاۋ سوڭعى ەكى ونجىلدىقتا جۇزەگە اسىرىلۋدا. بۇل رەتتە الەۋمەتتىك قىزمەتكەرلەردىڭ 33%-ى الەۋمەتتىك قىزمەت كورسەتۋ جۇيەسىندە 10 جىلدان استام جۇمىس ءوتىلى بار ماماندار.
بۇرىن حابارلانعانداي، بيىل الەۋمەتتىك قىزمەتكەرلەردىڭ مىنەز-قۇلقىنىڭ كاسىبي ەتيكاسىنىڭ نورمالارى بەكىتىلدى، بۇل ولار ۇسىناتىن قىزمەتتەردىڭ ساپاسىن ارتتىرۋعا ىقپال ەتەتىن بولادى.
سونىمەن قاتار، الەۋمەتتىك كودەكستىڭ جوباسىندا حالىققا الەۋمەتتىك قىزمەت كورسەتۋ جۇيەسىن ودان ءارى جاڭعىرتۋ كوزدەلۋدە.
قولدانىستاعى ارنايى الەۋمەتتىك قىزمەتتەر وزەكتەندىرىلەدى جانە جاڭا ستاندارتتار ازىرلەنەدى، ال الەۋمەتتىك قىزمەتكە مۇقتاج ادامدارعا الەۋمەتتىك قىزمەتكەرلەردى تاڭداۋ مۇمكىندىگى بەرىلەدى.
بۇدان باسقا، الەۋمەتتىك قىزمەتكەرلەر ءتىزىلىمىن قۇرۋ جوسپارلانۋدا، وندا ولاردىڭ بىلىكتىلىگى، كورسەتىلەتىن قىزمەتتەردىڭ تۇرلەرى مەن ساپاسى، جۇمىس ناتيجەلەرى تۋرالى اقپارات قامتىلاتىن بولادى.
الەۋمەتتىك قىزمەتكەرلەر ءۇشىن كاسىپتىك ستاندارتتار ازىرلەنەتىن بولادى، وندا جۇمىس بەرۋشىلەردىڭ وقىتۋ پەرسونالىنىڭ ءبىلىم، داعدىلارى جانە بىلىكتىلىك دەڭگەيىنە قويىلاتىن تالاپتارى كورسەتىلەدى. ۇسىنىلاتىن قىزمەتتەردىڭ بىلىكتىلىك دەڭگەيىن، ساناتى مەن ەرەكشەلىگىن ەسكەرەتىن ەڭبەكاقى تولەۋدىڭ جاڭا جۇيەسى ازىرلەنەتىن بولادى.