ەرىگەن قار سۋىن وتكىزۋ ءۇشىن جالپى ۇزىندىعى 70 مەتر بولاتىن جول بۇزىلدى.
بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر كولىك مينيسترلىگى اۆتوموبيل جولدارى كوميتەتى ءتوراعاسىنىڭ ورىنباسارى عالىمجان وتەنبايەۆ ايتتى، دەپ حابارلايدى Almaty -akshamy. kz قازاقپاراتقا سىلتەمە جاساپ.
«جەرگىلىكتى جولدار بويىنشا 12 وبلىستا سۋ باسۋدىڭ 333 جاعدايى تىركەلدى. جالپى ۇزىندىعى 1 238 شاقىرىمدى قۇرايتىن 90 ۋچاسكەدە اۆتوكولىك قۇرالدارىنىڭ قوزعالىسىنا شەكتەۋ قويىلدى»، – دەدى ول.
ماسەلەن، اقتوبە وبلىسىندا قاندىاعاش – ەمبى قالالارى ارالىعىندا قاندىاعاش، ەمبى، شالقار، ىرعىز رەسپۋبليكالىق ماڭىزى بار جول ۋچاسكەسىندە قوزعالىس شەكتەلگەن. اتىراۋ وبلىسىندا مۇقىر-قۇلسارى اۆتوموبيل جولىندا دوسسور مەن قۇلسارى قالالارى اراسىندا جول جابىق.
قوستاناي وبلىسىندا ق ر مەن رف اراسىنداعى بەيتاراپ بەلدەۋدە ورنالاسقان جەلقۋار وزەنىندەگى سۋدىڭ كۇرت كەلۋىنە بايلانىستى مارينوۆكا اۋىلىنا كىرەبەرىس اۆتوموبيل جولىندا شەكتەۋ قويىلدى.
سقو ەسىل وزەنىنىڭ سۋ دەڭگەيىنىڭ كوتەرىلۋىنە جانە اۆتوموبيل جولدارىن ەرىگەن سۋدىڭ باسىپ كەتۋىنە بايلانىستى رەسپۋبليكالىق ماڭىزى بار 6 ۋچاسكەسىندە جول قوزعالىسى شەكتەلگەن.