الماتى قالاسى، الماتى جانە جەتىسۋ وبلىستارى بويىنشا قاجد بوستاندىق اۋداندىق پروباسيا قىزمەتى ەسەبىندە تۇرعان سوتتالعاندار ءۇشىن ەڭبەك جارمەڭكەسى وتكىزىلدى.
الماتى قالاسىنداعى بوستاندىق اۋداندىق پروباسيا قىزمەتىندە 211 سوتتالعان پروباسيالىق باقىلاۋعا الىنعان. ولاردىڭ 114ء-ى جۇمىسپەن قامتۋ ورتالىعى ارقىلى جۇمىسپەن قامتىلسا، 86 سوتتالعان ءوزىن-وزى ەڭبەكپەن قامتىپ وتىر.
«ولار حالىققا قىزمەت كورسەتۋ باعىتىندا شاعىن كاسىپكەرلىكپەن اينالىسۋدا. اتالعان ەڭبەك جارمەڭكەسى كەزىندە 9 سوتتالعان جۇمىسقا باعىت الىپ، 1 سوتتالعان جۇمىسقا ورنالاستى»، – دەيدى بوستاندىق اۋداندىق پروباسيا قىزمەتىنىڭ ءبولىم باستىعى گاۋحار قاسىموۆا.
جۇمىسسىزدار مەن جۇمىس بەرۋشىلەر اراسىندا تىعىز قارىم-قاتىناس ورناتۋ، جۇمىسسىز سوتتالعانداردى جۇمىسپەن قامتاماسىز ەتۋ سوتتالعاندار اراسىندا قايتالاپ قىلمىس جاساۋ فاكتىلەرىنىڭ الدىن الادى. بۇل ورايدا بوستاندىق اۋداندىق پروباسيا قىزمەتى الماتى قالاسى جۇمىسپەن قامتۋ ورتالىعىمەن تىعىز قارىم-قاتىناستا جۇمىس جاسايدى.