ەسەنتاي جاعالاۋى جاڭعىردى

المالى اۋدانى اۋماعىنداعى ەسەنتاي وزەنىنىڭ جاعالاۋى تازارتىلدى.

قوعامدىق، ەكولوگيالىق جانە ەرىكتىلەر ۇيىمىنىڭ وكىلدەرى، قاراپايىم قالا تۇرعىندارى المالى اۋدانى اكىمدىگىنىڭ ۇيىمداستىرۋىمەن ەسەنتاي وزەنىنىڭ ماڭىنداعى جاعالاۋدى تازارتۋ جۇمىستارىن جۇرگىزدى.

جاعالاۋداعى قوقىستى جيناۋمەن قاتار، وزەن اڭعارى اۋماعىنداعى سەرۋەن جولدارى مەن گۇلزار قورشاۋلار، ورىندىقتار سىرلاندى. ءبىر مەزگىلدەگى تازالىق جۇمىسى كەزىندە اباي داڭعىلىنان رايىمبەك باتىر داڭعىلىنا دەيىنگى جاعالاۋ اۋماعى تولىق تازارتىلدى.  قاتىسۋشىلاردىڭ باسىم بولىگى – جاستار.

قوعامدىق ەكولوگيالىق ۇيىمىنىڭ وكىلى، ەكوبلوگەر كاميلا اكيمبەكوۆا مۇنداي ءىس-شاراعا الدەنەشە رەت قاتىسقانىن ايتتى. ءبىز بارعاندا مول تاجىريبەگە يە كاميلا جاڭادان ەكوبەلسەندىلەرگە قوقىستى سۇرىپتاۋعا قاتىستى كەڭەسىن بەرىپ جاتتى. ەرىكتىلەر توبىنىڭ ۇيلەستىرۋشىسى بۇل جولعى سەنبىلىكتى وتكىزۋدىڭ ءمانىسىن اشىپ ايتتى. 

– ءبىزدىڭ ەكولوگيالىق ۇيىمعا اكسياعا قاتىسۋعا جۇزگە جۋىق ادام جينالدى. ونىڭ ىشىندە ستۋدەنتەر دە، قاراپايىم قالا تۇرعىندارى دا بار. ءبىز قوقىستى ەكى توپقا ءبولىپ سۇرىپتاۋدامىز. قايتا وڭدەۋگە جىبەرۋگە بولاتىن زاتتاردى: پلاستيك، شىنى، ءاليۋمينييدى بولەك جينايمىز. سودان سوڭ قوقىس قالدىقتارىن قايتا وڭدەيتىن كومپانياعا بەرەمىز. الماتىلىقتاردىڭ بويىندا  تازارتۋ جانە قالدىقتاردى بولەك جيناۋ مادەنيەتىن قالىپتاستىرۋ اسا ماڭىزدى، – دەيدى كاميلا.

ەكوبەلسەندىلەر قالا اكىمدىگىنىڭ «الماتى – ءبىزدىڭ ورتاق ءۇيىمىز» ناۋقانىنا قاتىسۋعا شاقىرۋىن ىقىلاسپەن قابىلداپ، قىزۋ ىسكە كىرىستى. سونداي-اق، اكسياعا قاتىساتىن قالالىق قىزمەتتەر، سونداي-اق مەردىگەرلىك ۇيىمدار تازالىق شاراسىنا قاتىسۋشىلارعا قاجەتتى بۇيىمداردى دەر كەزىندە جەتكىزىپ، ءتۇرلى شىعىندى مىندەتىنە الىپ، ماتەريالدارىن ۇسىندى. قالامىزدىڭ ءار اۋدانىنىڭ سايتى مەن قالا اكىمدىگىنىڭ سايتىندا بارلىق  جوسپارلانعان بارلىق ءىس-شارانىڭ جەلىلىك كەستەسى بار. كەز كەلگەن ادام ۋاقىتى مەن ورنالاسقان جەرى بويىنشا وزىنە ىڭعايلى اكسيانى تاڭداي الادى.

8 ساۋىردە مەملەكەت باسشىسىنىڭ باستاماسىمەن، قالا اكىمىنىڭ تىكەلەي قولداۋىمەن «الماتى – ءبىزدىڭ ورتاق ءۇيىمىز» ناۋقانى باستالدى. وسى ناۋقان اياسىندا قالانى اباتتاندىرۋعا قاتىستى ءىس-شارالار كەستەسى جاسالدى. بۇل قوقىس جينالاتىن ءداستۇرلى سەنبىلىك قانا ەمەس، قالا تۇرعىندارى كوشە جيھازىن جوندەپ، ورىندىقتاردى سىرلاپ، قوعامدىق ورىنداردىڭ تازالىعىنا باسا ءمان بەرەدى. مۇندا اتقارىلاتىن شارۋا اۋلاڭىزدا، نە تۇرعىن ءۇي كەشەنىڭىزدە عانا ەمەس، سونىمەن بىرگە جاعالاۋدا، ساياباقتا بولۋى مۇمكىن. ناۋقاندى شاراعا ەكولوگيالىق قوزعالىس، قوعامدىق ۇيىم وكىلدەرى، ەرىكتىلەر، ستۋدەنتتەر كوپتەپ  قاتىسۋدا. اۋدان اۋماعىنداعى وسىنداي شاراعا، شامامەن 300-دەي ادام قاتىستى.

اۋدان اكىمى ايدار جاكىبايەۆ قالانىڭ ءار اۋدانىنىڭ سايتتارى مەن قالا اكىمدىگىنىڭ سايتىندا بارلىق  جوسپارلانعان بارلىق ءىس-شارانىڭ جەلىلىك كەستەسى بار ەكەنىن ەسكە سالدى. كەز كەلگەن ادام ۋاقىتى مەن ورنالاسقان جەرى بويىنشا وزىنە ىڭعايلى اكسيانى تاڭداي الادى.

8 ساۋىردە مەملەكەت باسشىسىنىڭ باستاماسىمەن، قالا اكىمىنىڭ تىكەلەي قولداۋىمەن «الماتى – ءبىزدىڭ ورتاق ءۇيىمىز» ناۋقانى باستالدى. وسى ناۋقان اياسىندا قالانى اباتتاندىرۋعا قاتىستى ءىس-شارالار كەستەسى جاسالدى. بۇل قوقىس جينالاتىن ءداستۇرلى سەنبىلىك قانا ەمەس، قالا تۇرعىندارى كوشە جيھازىن جوندەپ، ورىندىقتاردى سىرلاپ، قوعامدىق ورىنداردىڭ تازالىعىنا باسا ءمان بەرەدى. مۇندا اتقارىلاتىن شارۋا اۋلاڭىزدا، نە تۇرعىن ءۇي كەشەنىڭىزدە عانا ەمەس، سونىمەن بىرگە جاعالاۋدا، ساياباقتا بولۋى مۇمكىن. ناۋقاندى شاراعا ەكولوگيالىق قوزعالىس، قوعامدىق ۇيىم وكىلدەرى، ەرىكتىلەر، ستۋدەنتتەر كوپتەپ قاتىسۋدا. اۋدان اۋماعىنداعى وسىنداي شاراعا، شامامەن 300-دەي ادام قاتىستى.